Ish-presidenti kroat, Stipe Mesiq, që njihet si përkrahës i shqiptarëve ka folur në një intervistë për të përditshmen “Der Standard” për Jugosllavinë dhe shpërbërjen e saj. Ndër të tjera ai përmend edhe planin e Millosheviqit për asimilimin e shqiptarëve në Kosovë.
Mesiq gjatë intervistës thotë se Millosheviqi e ka parë që nuk ka pasur mundësi të marrjes së Kroacisë nën kontroll, është fokusuar te një pjesë e Bosnje-Hercegovinës dhe në Kosovë, transmeton Koha.net. Masat e dhunshme të regjimit serb mbi popullatën dhe punonjësit kosovarë në institucionet e Kosovës së atëhershme, kanë pasur qëllim sipas Mesiqit, shpërndarjen e dy milionë banorëve në Shqipëri, por edhe në Maqedoni për ta destabilizuar fqinjin juglindor të Kosovës.
“Ai ishte i bindur se në këtë mënyrë mund të mashtrojë komunitetin ndërkombëtar dhe ata më pas të kërkojnë prej atij, si burri më i fortë në rajon, të stabilizojë Maqedoninë dhe Shqipërinë”, shprehet Mesiq, teksa zbulon se si do të kolonizohej Kosova nga serbët e Kroacisë.
“Serbët nga Kroacia, ai (Millosheviqi) donte t’i vendoste në Kosovë, pas spastrimit etnik. Pas operacionit ‘Olluja’(shq. ‘Stuhia’) në korrik të vitit 1995, një pjesë e madhe e popullatës serbe është tërhequr bashkë me ushtrinë serbe nga Kroacia në Serbi. Këta serbë ai nuk i ka refuzuar, sepse kishte nevojë për masë popullate për të kolonizuar Kosovën. Por plani i dështoi. Shqiptarët e Kosovës nuk ishin nënshtruar dhe kishin krijuar UÇK-në. Kështu Kosova nuk u spastrua etnikisht dhe serbët nga Kroacia, gjithsesi, nuk e kanë dashur Kosovën”, thotë Mesiq.
Gazeta më pas e pyet ish-liderin kroat se nëse dihej që Milloshviqi kuptonte vetëm gjuhën e armëve, ashtu siç vepruan NATO dhe UÇK-ja në vitin 1999, pse nuk është vepruar më herët në Kosovë dhe se a kanë faj edhe lidët europianë në këtë mes.
Mesiq thotë se “është dashur të ndodhte, por Komuniteti Europian nuk ka pasur mekanizma sikur të NATO-s, që ka bërë aksionin e parë të saj në Kosovë. Ata (Komuniteti Europian) nuk ishin të përgatitur. Millosheviqi e dinte këtë me saktësi. Ai nuk ishte budalla. Ai kishte përdorur ushtrinë jugosllave për qëllimet e veta, e cila më vonë u kthye në ushtri serbe”.
Më pas ai shpalos edhe një bisedë që kishte me “Kasapin e Ballkanit”, Sllobodan Millosheviqin, gjatë një darke normale pas një prej mbledhjeve të byrosë politike.
“I thashë: ‘Dëgjo Sllobodan, plani juaj nuk është Jugosllavia, por Serbia e Madhe. Por të kesh kujdes, sepse dëmi do të jetë i madh. Sepse Serbia do të jetë fajtor për gjithë këtë konflikt dhe nuk do të jetë e mirëpritur në botë, do të jetë karakter turpi. Ju jeni gjithmonë serbët e lartë në Terazitë e Beogradit’. Ai e uli cigarllëkun dhe uiskin e më shikoi. Dhe pastaj unë përsëri iu drejtova: ‘Sllobodan kam vetëm një kërkesë’. Ai tha: ‘Le ta dëgjojmë’, e unë thashë: ‘Kur ta ndalni lidhjen atje, të lutem mendo për mua dhe unë do të mendojë për ty! Ai mu drejtua: ‘Do ta shohim se kush është më i lartë atje’”, ka përfunduar Mesiq.
Promo
Reklamo këtuLufta Prigozhin - Putin
Më shumëPasuria e majme e kreut të Prishtinës – banesa, rezidencë, veturë Tesla e koleksion pikturash milionëshe
Sa kanë pasuri Osmani dhe Kurti? Dyshja deklaron pasurinë e tyre në Agjencinë për Parandalimin e Korrupsionit
Pasuria e Memli Krasniqit, ai posedon numër të madh të kriptovalutave
Tri shtëpi në Kosovë, një në Shqipëri dhe një vilë - kjo është pasuria e Ramush Haradinajt
Banesë, depo, parking e kursime në bankë – kjo është pasuria e kryeparlamentarit Konjufca
Serwer tregon se pse Serbia i frikësohet anëtarësimit të Kosovës në Këshillin e Evropës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel