Mënyra se si i mbathni çorapet tregon nëse jeni të shëndetshëm: Shenjat që tregojnë një sëmundje të rëndë

Mjekët thonë se lehtësia, përkatësisht vështirësia me të cilën kryeni këtë veprim shumë të thjeshtë, tregon një tendencë drejt zhvillimit të artritit

Osteopati britanik, Tim Allardyce, paralajmëroi për simptomat e hershme të artritit, veçanërisht osteoartritin, ose dëmtimin që është forma më e zakonshme e kësaj sëmundjeje, transmeton Telegrafi.

Osteoartriti është një sëmundje inflamatore degjenerative e shoqëruar me dhimbje të kyçeve dhe më së shpeshti prek gjunjët dhe ijët.

Në të njëjtën kohë, kjo sëmundje mund të prekë çdo nyjë lëvizëse në trup, nga nofulla në shpatulla dhe gishta.

Nyjat e kofshëve

Kur është fjala për osteoartritin e nyjave të kofshëve, dr. Tim shpjegoi se zakonisht ka një humbje të kërcit, gjatë së cilës trupi fillon të ndërtojë ind kockor shtesë që e zëvendëson atë. Kjo, nga ana tjetër, shkakton ngurtësi dhe lëvizshmëri të dobët të nyjave.

Kjo sëmundje degjenerative e nyjës së kofshës mund të zbulohet edhe nga mënyra se si një person mbath çorapet.

“Një nga shenjat e qarta është kur keni vështirësi me lëvizjet në nyjën e kofshëve kur mbathni çorapet”, thotë eksperti.

Gjuri

Në artrozën e gjurit, një nga simptomat është vështirësia në lakimin e gjurit.

Tim Allardyce shtoi se, përveç ngurtësisë, lëvizshmërisë dhe fleksibilitetit të zvogëluar, simptomat e artritit mund të jenë edhe ënjtje, ënjtje të nyjave për shkak të hipertrofisë dhe dhimbjeve të forta.

Kjo sëmundje më së shpeshti shfaqet pas moshës dyzet vjeçare. Aktiviteti fizik, marrja e një sasie të mjaftueshme të ushqyesve thelbësorë, si dhe pesha e duhur e trupit janë të rëndësishme për shëndetin e nyjave.

/Telegrafi/