Mediat turke publikojnë pamjet e dhimbshme: Foshnja që regjimi i Asadit la pa shtëpi vdiq nga i ftohti, me sytë hapur

Foshnja siriane 1.5 vjeçare Iman Ahmed Leyla e cila kishte mbetur pa shtëpi për shkak të sulmeve të regjimit të Asadit dhe mbështetësve të tij në Siri ka vdekur me sytë hapur nga i ftohti në një kamp në kufi me Turqinë ku ajo ishte strehuar, raporton Anadolu Agency (AA).

Foshnja Iman u dërgua dje në mëngjes në spitalin Şifa në rajonin Afrin të Sirisë nga familja e saj e cila pas migrimit nga Idlibi qëndronte në një barakë pa xhama në territorin e strehimit të përkohshëm në jugperëndim të Afrinit.

Por, pas mbërritjes së vogëlushes 1 vjeç e gjysmë në spital u kuptua se zemra e saj kishte ndaluar së rrahuri.

This morning a Syrian father carried his freezing daughter out of their tent and walked for 2 hours to find a hospital. He walked since 5AM in the ice cold temperature to try to get her help. When they arrived, the doctors told him she had already died an hour ago?
#idlib pic.twitter.com/Vz9QlddaVJ

— Live Updates Syria (@LiveUpdateSyria) February 13, 2020

Në fotografinë që spitali Şifa në Afrin ka ndarë me AA-në dhe për të cilën thuhet se është shkrepur pas vdekjes së foshnjës, vërehet se Iman është me sytë hapur dhe se një dorë e drejton trupin e vogël të saj për shkrepjen e fotografisë.

Në raportin e spitalit rreth vdekjes së saj thuhet se foshnjës me peshë vetëm 4.5 kg i ka ndaluar zemra pas ndërprerjes së frymëmarrjes si rezultat i ftohjes së rëndë, meqë ajo ka vuajtur nga mungesa e ushqimit dhe në të njëjtën kohë ka luftuar me sëmundjen “atrofi cerebellare” (zvogëlimi i vëllimit të trurit të vogël).

Tweets series of what have been highlighted in the "Brief Report: 167 Syrian Citizens, including 77 #Children, Have Died Due to the #Cold Since March 2011"https://t.co/hGGndwzHfP

— Syrian Network (@snhr) February 13, 2020

Mësohet se familja në vitin 2018 migroi drejt Idlibit nga rajoni i Gutës Lindore të kryeqytetit sirian Damask pas evakuimit të kryer si pasojë e sulmeve të Rusisë dhe regjimit. Për shkak të bombardimeve, familja ndërroi vendin disa herë dhe u largua në pjesën periferike të Afrinit në afërsi të kufirit Siri-Turqi.

Si pasojë e sulmeve intensive të forcave të regjimit të Bashar al-Asadit dhe Rusisë ndaj vendbanimeve në rajonin e deeskalimit Idlib të Sirisë, në afërsi të kufirit Siri-Turqi kanë migruar rreth 1.8 milionë civilë që nga janari 2019 e deri më tani.

Një pjesë e madhe e të zhvendosurve janë vendosur në rajonin e kampeve në vijën kufitare me Turqinë ndërsa një pjesë tjetër në zonat e operacioneve “Mburoja e Eufratit” dhe “Dega e Ullirit” të cilat Turqia i ka pastruar nga terroristët.

Northwest #Syria:

800,000+ civilians have fled their homes.

Half a million are children.

Families are desperately seeking safety in sub-zero temperatures, with tens of thousands living in tents and open areas. #Idlib #Aleppo

Our latest update: https://t.co/vRKE0TkAWE pic.twitter.com/mpExLnwJ0K

— OCHA Syria (@OCHA_Syria) February 14, 2020