Mediat spanjolle habiten me çmimet astronomike për akomodim në Shkup për Superkupën e Evropës (Foto)

Superkupa e Evropës mes Real Madridit dhe Manchester United do të luhet më 8 gusht në Shkup. Një ngjarje historike kjo për kryeqytetin e shtetit të vogël të Ballkanit! Çmimet e akomodimit janë rritur tejmase, në disa vende edhe me 140%.

Dhoma me një, por edhe me tetë krevate, banesa të reja dhe të vjetëra, janë hapësirat që po kërkohen më shumë këto ditë në Maqedoni, si pasojë e ndeshjes futbollistike në kuadër të UEFA Super Cup më 8 gusht në Shkup, përcjell Telegrafi Maqedoni.

Pronarë të banesave në Shkup kanë parë mundësi të shkëlqyeshme për të përfituar në mënyrë financiare gjatë kësaj ndeshje mes Real Madridit dhe Manchester Unitedit. Ata në faqen e internetit “airbnb” reklamojnë çdo krevat të lirë, madje edhe në shtëpitë e tyre private.

Lexo po ashtu Shkupjanët shfrytëzojnë në maksimun ndeshjen e UEFA Super Cup, reklamojnë çdo hapësirë për akomodim

Këtë praktikë e kanë kritikuar Marca që kanë shkruar për këtë fenomen që ka habitur të gjithë tifozët e të dyja ekipeve por më së shumti ato spanjoll që mbështesin Real Madridin. Çmimet sipas Marca, lëvizin nga 1000 euro deri në 2000 euro për tre netë. Të njejtët shtretër në ditë normale kushtojnë nga 30-40 euro.

Përndryshe, UEFA tanimë ka ndarë edhe biletat për këtë ndeshje dhe e njejta do të ketë tifoz të të dyja ekipeve por edhe një numër të konsiderueshëm të tifozëve nga Maqedonia dhe Ballkani që janë paraqitur për blerje biletash si tifoz neutral. Stadiumi ”Telekom Arena” ka kapacitet jo më shumë se 25 mijë vende. /Telegrafi/

Artikullin mund ta gjeni këtu