Mbyllet pjesa e parë në “Palau Blaugrana”, ku Barcelona është duke fituar me rezultat prej 5 -1 kundër Mabetex Prishtinës në kuadër të Ligës së Kampionëve në futsall.
“Katalunasit” nga fillimi e kanë pasur iniciativën në këtë ndeshje dhe arritën edhe të shënonin golat.
Prishtina në këtë pjesë të parë ka pasur raste, por shumë më pak se vendasit.
Dyego, Esquerdinha, Shiraishi, Joselito dhe Rodrigues i shënuan golat për Barcelonën.
Ndërsa golin e vetëm për kryeqytetasit e ka shënuar Mërgim Dervishaj, pas një aksioni të mirë.
Pritet të shihet në pjesë të dytë një lojë ende më e mirë nga prishtinasit që po luajnë për herë të parë në këtë nivel. /Telegrafi/
