Mbreti Charles III bëhet monarku i parë që shfaqet pa kurorë në pulla postare

Mbreti Charles III është bërë monarku i parë në historinë britanike që shfaqet pa kurorë në pullat postare.

Pullat e reja që shfaqin sovranin, i cili do të kurorëzohet zyrtarisht më 6 maj, u publikuan nga Royal Mail.

Dizajni përmban profilin anësor të 74-vjeçarit, krijuar nga skulptori Martin Jennings, raporton nypost.

“Përgjigja që morëm nga Charlesi ishte se dëshironte që të shfaqet shumë thjeshtë. Është një imazh shumë njerëzor, pa asnjë zbukurim”, tha drejtori i marrëdhënieve të jashtme të Royal Mail, David Gold.

“Ajo që e dallon këtë vulë është se nuk ka asnjë zbukurim, asnjë kurorë, thjesht fytyra e një qenie njerëzore me sfondin e thjeshtë, pothuajse duke thënë, ‘Ky jam unë dhe jam në shërbimin tuaj’”, shtoi ai.

📮@RoyalMailStamps have revealed their new ‘every day’ stamp featuring The King.

The image is the same as the effigy which will feature on coins.

The stamp will be available from 4 April. pic.twitter.com/QI5kQue86i

— The Royal Family (@RoyalFamily) February 8, 2023

Më parë, monarkët – duke përfshirë nënën e tij, Mbretëreshën Elizabeth II – mbanin një diademë diamanti të krijuar me rastin e kurorëzimit me George IV në vitin 1821.

Nëse monarkia do të zgjidhte të mos e mbante kurorën në kokë, ajo sërish fotografohej përkrah tyre.

Charles është monarku i shtatë që shfaqet në të ashtuquajturat pulla “përfundimtare”, të cilat janë pullat postare të rregullta, jo-përkujtimore.

Ndërsa Britania e Madhe bën kalimet përfundimtare nga Mbretëresha Elizabeth II te Madhëria e Tij, monedhat dhe kartëmonedhat e reja që shfaqin Mbretin gjithashtu do të hyjnë në qarkullim.

Pullat do të dalin në shitje më 4 prill në Mbretërinë e Bashkuar ndërsa qytetarët do të duhet të presin edhe një vit për të parë Mbretin të shfaqet në kartëmonedhat. /Telegrafi/