A2 CNN ka mundur të zbardhë agjendën e takimit të përbashkët të dy qeverive, asaj të Shqipërisë dhe asaj të Italisë, që do të zhvillohet të enjten në Romë.
Delegacioni shqiptar, i drejtuar nga Kryeministri Edi Rama, do të udhëtojë drejt Romës të mërkurën në mbrëmje, rreth orës 19:00.
Takimi ndërqeveritar do të zhvillohet të enjten në Romë, në ambientet e “Villa Doria Pamphilj”, ku pritet të nënshkruhen disa marrëveshje dhe memorandume mirëkuptimi.
Në orën 11:40 është parashikuar takimi ndërmjet Kryeministrit Rama dhe homologes italiane, Giorgia Meloni, ndërsa një orë më pas do të ketë edhe një konferencë për mediat e më pas një drekë pune.
Delegacioni shqiptar
Edi Rama, Kryeministër i Republikës së Shqipërisë
Belinda Balluku, ZVKM dhe Ministre e Infrastrukturës dhe Energjisë
Elisa Spiropali, Ministre për Evropën dhe Punët e Jashtme
Pirro Vengu, Ministër i Mbrojtjes
Albana Koçiu, Ministre e Brendshme
Petrit Malaj, Ministër i Financave
Besfort Lamallari, Ministër i Drejtësisë
Delina Ibrahimaj, Ministre e Ekonomisë dhe Inovacionit
Evis Sala, Ministre e Shëndetësisë dhe Mbrojtjes Sociale
Blendi Gonxhja, Ministër i Turizmit, Kulturës dhe Sporteve
Sofjan Jaupaj, Ministër i Mjedisit
Laura Plaku (Saro), Drejtor Ekzekutiv i AIDA
Ardian Veliu, Administrator i KAYO
Haki Çako, Drejtor i Përgjithshëm i Agjencisë Kombëtare të Mbrojtjes Civile. (A2 Televizion)
