Mashtrimi me subvencione, arrestohet edhe një person në Pejë

Policia e Kosovës përmes raportit 24 orësh ka njoftuar se ka arrestuar edhe një person në Pejë, lidhur me rastin e mashtrimit me subvencione.

I arrestuari është dërguar në mbajtje.

“Lidhur me rastin, është identifikuar dhe arrestuar edhe një i dyshuar mashkull kosovar. Me vendim të prokurorit, pas intervistimit i dyshuari është dërguar në mbajtje”, thuhet në raport.

Lexo po ashtu Mashtrimi me subvencione, një muaj paraburgim për 31 të arrestuarit

Kujtojmë se në fillim të këtij muaji, Gjykata Themelore në Prishtinë – Departamenti Special pas kërkesës së Prokurorisë Speciale, u ka caktuar masën e paraburgimit 31 të pandehurve.

Paraburgimi u është caktuar L.K, R.R, F.O, M.B, H.H për shkak të veprës penale” Mashtrimi në detyrë” N.I për shkak të veprës penale “Keqpërdorimi i pozitës apo autoriteti zyrtar” “Marrja e ryshfetit në bashkëkryerje” dhe “Ushtrimi i ndikimit” , B.G për shkak të veprës penale “Mashtrimi në detyrë”, J.S, A.R, A.GJ, për shkak të veprës penale “Keqpërdorimi i pozitës apo autoritetit zyrtar” dhe “Falsifikimi i dokumentit zyrtar”, G.L për shkak të veprës penale “Keqpërdorimi i pozitës apo autoritetit zyrtar” , B.M për shkak të veprës penale “Keqpërdorimi i pozitës apo autoritetit zyrtar” dhe “Falsifikimi i dokumenteve” dhe “Marrja e ryshfetit në bashkëkryerje. D.M, GJ.M, D.M, S.K, A.I, H.A, B.SH, SH.M, H.B, F.SH, S.Q, B.S, A.F, B.B, L.M për shkak të veprës penale “Mashtrimi me subvencion”, “Falsifikimi i dokumenteve” dhe “Dhënia e ryshfetit” E.M, L.M, D.Z, A.N për shkak të veprës penale “Mashtrimi me subvencione” dhe “Falsifikimi i dokumenteve””, thuhej në njoftimin e Gjykatës Themelore. /Telegrafi/