Marsh për të drejtat e grave në Shkup – “A do të mbijetojnë gratë këtu?”

Nën moton “A do të mbijetojnë gratë këtu?”, sot në Ditën Ndërkombëtare për Luftën Ekonomike, Politike dhe Sociale për Barazi të Grave, në sheshin “Filipi II” në Shkup do të mbahet marsh për të drejtat e grave.

Ky marsh, siç thonë nga Platforma për Barazi Gjinore, është reflektim protestues i ngjarjeve në RMV dhe neglizhencës kolektive ndaj grave dhe vajzave në çdo aspekt: ​​nga ritmet në rritje të dhunës, femicideve, padrejtësive të përditshme sociale dhe shëndetësore dhe pasiguria ekonomike, deri te varfëria e lartë që prek veçanërisht gratë.

“Në vitin 2023, gratë dhe vajzat janë ende të diskriminuara në çdo aspekt dhe nuk realizojnë të drejta të barabarta apo mundësi të barabarta, as në shtëpi, as në punë, as në politikë, as në jetën shoqërore. Në vitin 2023, gratë përballen me politika që nuk i njohin nevojat e tyre, me institucione që nuk i mbrojnë ato, me mekanizma që janë të verbër ndaj nevojave për të promovuar barazinë gjinore dhe një kulturë dhune dhe mizogjinie që po zgjerohet vazhdimisht”, thonë nga Platforma për Barazi Gjinore.

Marshi do të nisë në orën 18:00 nga sheshi “Filipi II”, dhe do të përfundojë në parkun “Gruaja luftëtare”./Telegrafi/