E pabesueshme: Për 30 vite në Maqedoninë e vogël kanë ndodhur tetë aksidente ajrore ku kanë vdekur qindra njerëz (Video)

Mbrëmë një aeroplan i tipit ‘Piper PA 34-200 T Seneka’ u rrëzua në fshatin Kozhle në afërsi të Shkupit ku mbetën të vdekur gjashtë persona, një nga Kosova dhe pesë nga Italia, transmeton Telegrafi Maqedoni.

Telegrafi Maqedoni ju sjell dosien e fatkeqësive ku janë rrëzuar aeroplanë të cilët e kanë përdorur qiellin e Maqedonisë për të arritur në destinacionin e tyre.

22 shtator 1975
Aeroplani i tipit Antonov 2R gjatë aterimit në aeroportin e Shkupit është ndeshur me një aeroplan tjetër të tipit të njejtë, Antonov.

24 qershor 1992
Një aeroplan i tipit Antonov 12 BK i prodhuar nga Volga i Dnepar Airlines është rrëzuar në një vend 26 kilometër afër Shkupit. Para rrëzimit aeroplani është aksidentuar me majen e malit në Lisec të Tetovës, transmeton Telegrafi Maqedoni. Nga kjo fatkeqësi kanë vdekur tetë njerëz.

5 mars 1993
Gjatë aterimit të aeroplanit ‘Foker 100’ i kompanisë Paler nga Maqedoni me 97 persona kanë vdekur 86 udhëtarë.

https://www.youtube.com/watch?v=z1Y58ZekdKg

22 nëntor 1993
Afër aeroportit në Ohër ka ndodhur aksidenti i dytë për atë vit. Aeroplani i udhëtarëve i tipit ”Jak-42D” i kompanisë AvioImpeks është rrëzuar pas një defekti në motor dhe ka shkaktuar vdekjen e 115 personave, transmeton Telegrafi Maqedoni. Një grua ka shpëtuar. Ky aeroplan ka udhëtuar nga Gjeneva për në Shkup ku duhej edhe të ateronte.

18 shtator 1995
Aeroplani i angazhuar për të shuar zjarre nëpër malet e Shkupit është rrëzuar dhe si pasojë e kësaj kanë vdekur dy anëtar të ekuipazhit.

17 mars 2001
Gjatë konfliktit të vitit 2001 në Maqedoni një helikopter luftarak i tipit MI-17 ka goditur një shtyllë betoni në Kodrën e Diellit ku mbetën të vdekur edhe piloti edhe inzhinieri, kurse të lënduar mbetën 10 ushtarë.

12 janar 2008
Një helikopter i Ushtrisë së Maqedonisë është rrëzuar në vendin e quajtur Bllace. Pas rrëzimit, jetën e kanë humbur 11 ushtarë paqeruajtës të ARM-së që kanë qenë duke u kthyer nga misioni ‘Altea’ në Bosnjë dhe Herzegovinë.

28 gusht 2008
Aeroplan i tipit ‘Cesna’ në vendin e quajtur Leskoev në afërsi të Ohrit është rrëzuar dhe ka shkaktuar vdekjen e pilotit dhe tre pasagjerëve.

Gjithashtu, nga rrëzimi i aeroplanëve ka vdekur edhe ish-kryetari i Maqedonisë, Boris Trajkovski së bashku me gjashtë bashkëpunëtor të tij dhe dy pilotë të aeroplanit qeveritar ‘Kinger’. Ngjarja ka ndodhur më 26 shkurt, 2004 në afërsi të Mostarit.

Shpresojmë që qielli i Maqedonisë të jetë më i sigurtë për linjat e ardhshme./Telegrafi/