Mane po refuzon ofertën e majme të PSG-së, për t’iu bashkuar Bayernit

Thuhet se Sadio Mane do të refuzojë një ofertë më të majme nga Paris Saint-Germain për t’iu bashkuar Bayern Munichut pasi ai po i afrohet largimit nga Liverpool gjatë verës.

Ylli senegalez ka qenë i lidhur fort me një largim nga Anfield pasi ai synon të fillojë kapitullin tjetër të karrierës së tij.

Liverpool besohet se ka vendosur një çmim prej rreth 45 milionë euro për Manen, i cili ka një vit të mbetur në marrëveshjen e tij aktuale në Anfield.

Lexo po ashtu Mane i ka konfirmuar bordit të Liverpoolit dëshirën për largim - afër kalimit te Bayerni

Bayern po udhëheq garën për të transferuar 30-vjeçarin dhe BILD raporton se Mane do të preferonte të ishte një yll në gjigantët e Bundesligës, të cilët do të humbasin sulmuesin Robert Leëandoëski në verë, në vend që t’i bashkohet PSG-së ose Real Madridit.

Sipas gazetës gjermane, PSG i ka ofruar Manes një marrëveshje më të mirë, por ai është i intriguar nga një kalim te Bayern.

Lexo po ashtu Sadio Mane: Kisha marrëveshje me Manchester Unitedin, por një telefonat e Klopp ndryshoi gjithçka

BILD gjithashtu raportoi se Liverpool pritet t’i thuhet nga agjenti i Manes, Bjorn Bezemer se lojtari, i cili ka shënuar 120 gola në 269 paraqitje për skuadrën, dëshiron të largohet dhe se trajneri Jurgen Klopp ka sanksionuar një marrëveshje të mundshme.

Drejtori sportiv i Bayernit, Hasan Salihamidzic, mendohet se i ka dërguar Manes një ofertë me vlerë rreth 20 milionë funte në euro, gjë që i ka lënë përshtypje lojtarit. /Telegrafi/