Mandzukic: Allegri një nga më të mirët në Evropë

Sulmuesi i Juventusit, Mario Mandzukic, e quan trajnerin e Juventusit, Massimiliano Allegri, “një nga më të mirët në Evropë”.

Kroati është sulmues qendre, por në vitet e fundit nën urdhrat e teknikut italian është zhvendosur në krahun e majtë.

“Më pëlqen ky rol, edhe kështu kam rastin të shënoj gola”, ka thënë Mandzukic për Sky.

Lexo po ashtu Njëzet golat më të bukur në botë për vitin 2017, në mesin e tyre edhe femra që kanë 'çmendur' të gjithë (Video)

“Detyra ime kryesore është të jem alternativë edhe në fazën mbrojtëse, por njëkohësisht të jap edhe kontributin tim në sulm”.

“Më pëlqen të marr këtë përgjegjësi dhe jam krenar për faktin se dikush me beson këtë, sepse kjo më mundëson edhe të përmirësohem dhe të ndihmoj skuadrën”.

“Allegri është një nga më të mirën në Evropë, ai e ka treguar këtë me punën e tij. Rezultatet janë pastër në anën e tij dhe jam i lumtur që punoj me atë, sepse ai është dikush që dëgjon”.

“Ne do të tentojmë që të fitojmë gjithçka këtë sezon, edhe pse e dimë që do të jetë e vështirë në fund”, ka shtuar për fund kroati. /Telegrafi/

https://www.youtube.com/watch?v=dzlP9J9OFEA