Man City arrin marrëveshje personale me Kovacic, mungon vetëm pajtimi mes klubeve rreth çmimit të transferimit

Mateo Kovacic duket se është afër largimit nga Chelsea pasi mesfushori kroat thuhet se është pajtuar për kushtet personale me Manchester Cityn.

Kampionët e Ligës Premier hapën bisedimet me mesfushorin kroat në fund të majit teksa ai hyn në vitin e fundit të kontratës me Blutë.

Pasi negociatat thuhet se arritën në një fazë të avancuar një javë më parë, gazetari Fabrizio Romano ka zbuluar se Kovacic që atëherë ka rënë dakord për kushtet personale me Cityn për një lëvizje të mundshme këtë verë.

Pengesa e fundit, sipas Romanos, do të jetë tarifa e transferimit për 29-vjeçarin, e cila do të vendoset pas finales së Ligës së Kampionëve të City kundër Interit të shtunën mbrëma.

EXCL: Mateo Kovacić has now agreed personal terms with Manchester City after advanced talks already revealed last week 🚨🔵🇭🇷 #MCFC

Kovacić wants the move, next step has to be between clubs as Chelsea and City will discuss fee after the UCL final.

Chelsea, open to sell Kovacić. pic.twitter.com/PKdCHsEL9B

— Fabrizio Romano (@FabrizioRomano) June 8, 2023

Chelsea thuhet se është i gatshëm të përfitojë nga kroati duke pasur parasysh kthimet e tyre të tmerrshme financiare vitin e kaluar, pasi plani i Bluve është për një rishikim të plotë të mesfushës së tyre.

Në hapësirën e gjashtë muajve, Chelsea i ka dhënë lamtumirën një brezi mesfushorëve që sollën shumë sukses në Londrën perëndimore.

Jorginho iu bashkua Arsenalit në janar, por nuk arriti t’i çonte ata drejt lavdisë së ligës, ndërsa fituesi i Kupës së Botës, N’Golo Kante, vulosi një lëvizje te skuadra e Arabisë Saudite, Al-Ittihad, në fillim të kësaj jave.

Lexo po ashtu Enigma me të cilën përballet Pochettino te Chelsea: 32 lojtarë në skuadër, nënshkrime, të huazuar, largime

Nëse edhe Kovacic largohet, Blutë do të fillojnë sezonin e ardhshëm me një linjë krejtësisht ndryshe në mesfushë.

Dhe Kovacic me gjasë nuk do të jetë mesfushori i fundit i larguar nga Stamford Bridge. Mason Mount duket se është në rrugën e tij drejt rivalëve të Cityt, Manchester United, megjithëse pengesa e tarifës së tij të transferimit vazhdon. /Telegrafi/