Macron qytetarëve të pavaksinuar: Liria nuk mund të jetë një justifikim për të rrezikuar jetën e të tjerëve

Presidenti francez, Emmanuel Macron përsëriti se vendimi i tij për të reduktuar lëvizjen e të pavaksinuarve kundër coronavirusit në hapësirat publike ishte i justifikuar.

Duke iu drejtuar qytetarëve të pavaksinuar, i pari i shtetit francez deklaroi se “nuk mund të pranojë se ata po rrezikojnë lirinë e njerëzve të tjerë”. Në fillim të kësaj jave ai iu drejtua me fjalë shumë vulgare, gjë që provokoi edhe kundërshtarët politikë.

“Kur je qytetar, atëherë duhet të pranosh që ke detyra qytetare”, shtoi ai.

French president Emmanuel Macron defends his strategy to make lives miserable for the unvaccinated https://t.co/zqUgeFIQxJ

— Bloomberg (@business) January 7, 2022

Presidenti francez 44-vjeçar po përballet me një tjetër valë të pandemisë së coronavirusit. Më shumë se 200 mijë janë regjistruar gjatë ditës së fundit.

Lexo po ashtu Zotohet Macron: Do t’ua vështirësojë jetën të pavaksinuarve në Francë

Macron theksoi se strategjia epidemiologjike nënkupton “vaksinim, vaksinim, vaksinim”.

Më 6 janar, dhoma e ulët e parlamentit të këtij shteti pranoi që vaksinimi kushtëzon lëvizjen në hapësirat publike. Mbetet që Senati ta pranojë këtë që ky rregull të hyjë në fuqi dhe pritet të ndodhë nga mesi i këtij muaji. /Telegrafi/