Macja e myftiut Muamer Zukorliq vazhdon të qëndrojë te varri i pronarit të saj, edhe dy muaj pas vdekjes së tij

Historia e maces që ishte mbi varrin e tij për disa ditë pas vdekjes së myftiut Muamer Zukorliq është shpërndarë në mediat rajonale dhe jo vetëm.

Sipas medieve të huaja, përcjell Telegrafi, bëhet fjalë për ish-kryetarin dhe kryemyftiun e Meshihatit të Bashkësisë Islame në Serbi i cili ndërroi jetë papritur në fillim të nëntorit.

Lexo po ashtu Vdes Muamer Zukorliq, ish-kryemyfti dhe përfaqësues politik i boshnjakëve në Serbi

Zukorliq ishte edhe politikan dhe përfaqësues i komunitetit boshnjak në sanxhak të shtetit të Serbisë.

Mačak ga ne napušta ni nakon dva mjeseca. pic.twitter.com/LbYgp3TvgU

— Ukrajinski Diplomata ?? (@Bosnoslav) January 10, 2022

Dhe ndërkohë miqtë dhe admiruesit e tij anembanë rajonit dhe mijëra njerëz shpërndanë në rrjetet sociale foto dhe video të maces së tij, e cila nuk dëshironte të ndahej nga varri i pronarit të saj, shkruan N1 Sarajevë.

Madje, nisur nga postimet në rrjetet sociale, macja qëndron ende aty ku ishte dy muaj më parë – edhe pse tanimë aty ka borë.

Muftijin mačak. Ne odvaja se od mezara, čak ni po najvećoj kiši. ? pic.twitter.com/kpUHiY6qhu

— Nihad Kestendžić (@NihadKestendzic) November 8, 2021

Ndonëse varri i myftiut është i mbuluar me borë dhe është ftohtë, macja nuk largohet nga aty.

Sipas rrëfimeve të më të afërmve të tij, myftiu Zukorliq ishte një dashamirës i madh i kafshëve dhe padyshim që një nga kafshët e tij shtëpiake ia kthen dashurinë në këtë mënyrë. /Telegrafi/