Macja e humbur gjatë ndalesës për pushim në Connecticut ribashkohet me familjen pas 5 muajve

Një familje në Vermont u ribashkua me macen e tyre të humbur pesë muaj pasi maceja u hodh nga makina nga një dritare e hapur ndërsa ishte parkuar në një ndalesë pushimi në Connecticut.

Herwig Goldemund tha se ai dhe gruaja e tij ishin në mes të vozitjes nga Gjeorgjia në Vermont në korrik të këtij viti, kur u ndalën për pushim përgjatë autostradës Interstate 91 në drejtim të veriut në Middletown, Conn.

Çifti e hapi njërën dritare për pak ajër të pastër ndërsa dremitën në makinë dhe kur u zgjuan, macja e tyre, Minka, ishte zhdukur. “Ne pamë gjurmët e vogla të putrave në makinë dhe e kuptuam që ajo kishte ikur nga dritarja”, tha Goldemund, raporton UPI, transmeton Telegrafi.

Çifti kaloi orë të tëra duke kërkuar në zonën për Minka para se të vazhdonin udhëtimin e tyre për në Vermont. “Ne ishim vërtet të lënduar për zhdukjen e maces dhe mendonim se nuk do ta shihnim më kurrë”, tha Goldemund.

“Ne dolëm atje dhe me siguri, atje ishte ajo,” tha Middletown Animal Control në një postim në Facebook. “Por ajo iku”, thuhej tutje në postim. Zyrtarët e kontrollit të kafshëve vendosën kurthe të karremave me sardele dhe ushqime të tjera, dhe ata e gjetën Minkën në njërën prej “kurtheve” disa ditë më vonë.

“Posa e çuam në strehë, i bëmë një skanim, i cili e gjeti mikroçipin që konfirmoi se ishte Minka! Ajo ishte e pistë, e dobët dhe e mbuluar me rriqra, por përndryshe në gjendje të rregullt”, thuhej në postim.

Gruaja e Goldemund, Susan, u kthye në Middletown për të sjellë Minkën në shtëpi. “Minka e njohu menjëherë nënën e saj dhe e vuri kokën tek dora e saj”, thuhej në postimin në Facebook. /Telegrafi/