Lyoni njofton klubet e interesuara, Fekir në shitje

Olympique Lyon ka njoftuar klubet e interesuara se ylli francez, Nabil Fekir, do të shitet këtë afat kalimtar të verës.

Fekir është njëri nga lojtarët më të mirë francez të momentit, duke shënuar shumë gola dhe asistime me Lyonin në Ligue 1 dhe Evropë.

Paraqitjet e tij superiore kanë bërë që shumë skuadra të mëdha evropiane të vihen pas shërbimeve të tij, por Lyoni nuk donte shitjen e tij.

Lexo po ashtu Arsenali ka gati 45 milionë euro për Nabil Fekirin

Por, sipas mediumit francez L’Equipe, Lyon ka vendosur të vendosë reprezentuesin e Francës në shitje me hapjen e afatit kalimtar veror.

Megjithatë, klubet nuk do të munden ta transferojnë për ndonjë çmim të lirë, pasi francezët kërkojnë 60 milionë euro për Fekir.

Trajneri i Real Madridit, Zinedine Zidane është një tifoz i Fekir, por do të përballet me konkurrencën nga Arsenali, të cilët e kishin ndjekur mesfushori javën e kaluar.

Lexo po ashtu Fekir: La Liga, destinacion ëndërr - Liga Premier është opsion

Topçinjtë kanë bërë biznes me Lyonin vitin e kaluar duke blerë Alexandre Lacazette dhe janë të gatshëm të provojnë përsëri për Fekir.

Oferta fillestare e Arsenalit pritet të jetë 50 milionë euro për sulmuesin, i cili ka kontratë me Lyonin deri në vitin 2020. /Telegrafi/