“Lutjet e fundit të kamikazit”: Pamje të reja tregojnë orët e fundit të sulmuesit të Shri Lankës, para se të vriste 28 vetë (Foto/Video)

Disa pamje të publikuara thuhet se tregojnë momentet e fundit të kamikazit, para se të shpërthente pajisjen e tij në ditën e Pashkëve në Shri Lankë.

Sipas mediave të huaja, përcjell Telegrafi, pamjet e kapura nga kamerat e sigurisë tregojnë Mohammed Nasar Mohammed Azar, 34 vjeç, duke u lutur, dhe duke biseduar në telefon.

Këto pamje të publikuara nga SkyNews, supozohet të jenë bërë, pak para se ai të shpërthente bashkë me pajisjen në një kishë në Batticaloa.

Lexo po ashtu Pamje që tregojnë se si një njeri vëzhgon kamikazin që po shkonte drejt kishës në Shri Lankë, ku vrau 100 njerëz (Video)

Mediat shkruajnë se bomba e Azarit vrau 28 vetë në kishë dhe më shumë se 70 të tjerë u plagosën nga shpërthimi.

Pamjet e kamerave të sigurisë, shtohet se kapin intensitetin e lëvizjeve të terroristit, të ndërtuar deri në shpërthim, pasi ai mbërriti në qytetin e bregut lindor rreth orës 2 të mëngjesit.

Lexo po ashtu Përkëdheli vajzën e vogël, pastaj hodhi kishën në erë – pamjet nga Shri Lanka që kanë marrë vëmendjen e të gjithëve (Video)

Ai është kapur nga kamerat duke dalë jashtë xhamisë Jami Us-Salam në Batticaloa, pak minuta larg nga Kisha e Zionit, duke mbajtur dy çanta.

Për dy orë, duke filluar në orën 3:13, Azari lëviz lart e poshtë jashtë kishës dhe kontrollon telefonin e tij.

Azeri vlerësohet se përfundimisht hyri në xhami në orën 5.42, kur ndërtesa u hap dhe kaloi disa orë në lutje.

Ai duket të nxjerrë telefonin e tij dhe të dërgojë një mesazh para se të ecë deri në vdekjen e tij.

Në një moment, një makinë policie duket afër, por zyrtarët brenda ose nuk e shohin Mohammed Azarin ose ai nuk ngjall dyshimet dhe largohet. /Telegrafi/