Sulmuesi i njohur gjerman, Lukas Podolski është larguar nga skuadra japoneze Vissel Kobe.
Pas tri viteve të kaluara në elitën e futbollit japonez, Podolski është larguar dhe po mendon një aventurë të re.
E ardhmja e tij mund të jetë në kampionatin e Malajzisë, tek kampioni në fuqi Johor. 34-vjeçari e ka vizituar klubin kampion të vendit pasi ka afërsi me presidentin e klubit Tunku Ismail Idris.
Mediat gjermane dhe ato të Malajzisë kanë raportuar se Podolski mund t’i bashkohet klubit të Johorit, nëse nga ky klub largohet një lojtar i huaj për t’i liruar vendin.
Me transferimin e mundshëm të Podolskit, atëherë Johor do të bëhej skuadër e frikshme jo vetëm në kampionat, por do të synonin edhe të shkonin lart në Ligën e Kampionëve të Azisë.
Te Johor është edhe ylli nga Kosova, Liridon Krasniqi ku do ta krijonin një dyshe të frikshme me gjermanin.
Podolski pas vizitës që i kishte bërë klubit të famshëm aziatik, është takuar edhe me Liridon Krasniqin pasi që të dy janë të lindur në Gjermani.
Mbetet të shihet nëse ky transferim do të realizohet dhe nëse do të formojnë Krasniqi dhe Podolski dyshen e frikshme te Johor. /Telegrafi/
