Raportet në mes të Luiz Ejllit dhe Bledi Mane po vazhdojnë të tensionohet kur ka mbetur më pak se një muaj deri në finalen e Big Brother VIP Albania.
Një debat mes tyre ka ndodhur edhe gjatë natës së spektaklit të së martës (11 prill) teksa po flisnin për sjelljen e Ronaldo Shakës ditëve të fundit.
Ronaldo i cili ka krijuar situata të ndryshme me një pjesë të madhe të banorëve, por debatet kryesore i kishte me Bledin dhe këngëtaren Nita Latifi.
Foto: Screenshot/Big Brother VIP Albania
Teksa këto po diskutoheshin në spektakël situatat e ndodhura gjatë javës, një tjetër debat nisi në mes të Luizit dhe Bledit.
Bledi nisi bisedën duke i thënë se tre banorët e rifutur Efi, Kiara dhe Ronaldo janë ‘Matryoshka’ (kukulla Ruse) të Luizit.
Pas kësaj ka ndërhyrë Luizi duke i thënë se është një njeri pa karakter dhe identitet ndërsa tha se është i gatshëm të debatojë me të pa i ikur atyre.
Foto: Screenshot/Big Brother VIP Albania
“Pikën e fytyrës nuk e ke, respekt nuk ke, autoritet nuk ke, karakter nuk ke, burracak je, çfarë ke me mua ja ku më ke, po e përsërit vetën, fyen gjithë javën kërkon falje në Prime”, i tha Luizi.
Në anën tjetër, Bledi iu kundërvu duke i thënë se këngëtari është një person i lodhur si në lojë si në jetë.
Ndryshe, kujtojmë që finalja e madhe e BBVA mbahet më 6 maj, banorët janë në garë për çmimin prej 100 mijë eurosh. /Telegrafi/
