Banorët e Big Brother VIP Albania mbrëmë (e hënë) kanë dhënë opinionet e tyre dhe kanë komentuar personazhet e vitit të kaluar të këtij formati.
Pasi dhanë arsyet pse Iliri u shpall fitues dhe pse humbi Donaldi ata kanë komentuar edhe disa prej ish-banorëve të tjerë.
Mes tyre banorët komentuan edhe lojën e aktores Arjola Demiri, e cila ndonëse jo çmimin kryesor ajo fitoi një banesë për të dhe fëmijët.
Foto: Luiz Ejlli/Instagram
Aktorja shqiptare gjatë rrugëtimit të saj në BBVA shpesh herë ishte treguar emocionale duke folur edhe për sfidat që ka kaluar në jetë dhe rritjen e tre fëmijëve pas ndarjes nga bashkëshorti.
Banorët u pyeten nëse Arjola ishte viktimizuar apo ishte reale në ata që përfaqësoi në këtë format.
Derisa shumica e banorëve thanë se nuk ishte viktimizim, Luizi në anën tjetër u shpreh se ajo sipas tij ishte banorja më false.
Foto: Arjola Demiri/Instagram
Këngëtari tha se e njeh edhe personalisht ish-bashkëshortin e saj dhe se fëmijëve të tyre nuk ju ka munguar kurrë asgjë.
“Babanë e fëmijëve të saj unë e njoh edhe nuk iu mungon absolutisht asnjë gjë fëmijëve, as jeta e luksit, as shtëpia, absolutisht asnjë gjë. Arjola ka qenë lojtarja më fallco nga fillimi deri në fund. Sa i përket lotëve është mëse normale që nëna për fëmijë do qajë. Çdo dy ditë do përmendte fëmijët e saj. Me gjithë respektin, aty të gjithë kishin fëmijë, nëna e motra. Arma e saj ishte përmend fëmijët-qaj, përmend fëmijët-qaj, ishte viktimizim”, tha Luizi.
Ndërkohë, teksa dha komentin e tij për Beniadën, Luizi u shpreh se modelja ishte ndër të preferuarat e tij nga edicioni i vitit të kaluar. /Telegrafi/
