Sport Futboll Ndërkombëtare

“Lojtarëve, të gjithë tifozëve, stafit dhe familjes”, Spalletti mes lotësh tregon kujt ia dedikon titullin e Napolit

Para 2 vitesh

Trajneri i Napolit, Luciano Spalleti shpërtheu në lot pasi Partenopei fitoi titullin e Serie A në Udine, duke ia kushtuar arritjen vëllait të tij, i cili kishte vdekur katër vjet më parë, si dhe tifozëve, lojtarëve dhe gjithë qytetit.

Napoli ka fituar titullin e tretë të Serie A në histori, i pari në 33 vjet, pasi një barazimi 1-1 kundër Udineses në Dacia Arena të enjten mbrëma.

“Problemi për ata që janë mësuar të punojnë shumë siç bëra unë, është se ne luftojmë për të shijuar plotësisht fitoret. Gjithmonë ka më shumë punë për të bërë, kështu që gëzimi është i shkurtër”, ka thënë fillimisht Spalletti për DAZN.

“Të shoh Partenopein të buzëqeshur dhe të gëzuar është emocioni më i madh për mua. Janë ata që e përcjellin lumturinë e tyre. Problemi arrinte deri këtu, si kur të rëndojnë mbi shpinë ndjenjat e një qyteti të tërë. Këtu ka njerëz që do të mund të kalojnë momente të vështira në jetën e tyre sepse e mbajnë mend këtë moment. Këta njerëz e meritojnë gjithë gëzimin”.

“Ndoshta më bën të ndihem më i qetë tani, ne kemi qenë në gjendje t’u japim atyre atë gëzim. Këta tifozë kanë parë trajnerë të mëdhenj që vijnë e shkojnë. Ata panë të luante Diego Armando Maradona dhe ndoshta në këtë sukses ndjehet edhe mbrojtja e tij. Kështu që bëhet e vështirë atëherë t’u thuash atyre, po, ne përfunduam të tretët sezonin e kaluar dhe ishim sfidues për titullin”.

Jo shumë menduan se Napoli do ta arrinte këtë rezultat në fillim të sezonit kur u larguan disa lojtarë ikonë, duke përfshirë Dries Mertens, Kalidou Koulibaly dhe Lorenzo Insigne.

“Dëgjoj trajnerët që thonë se ky është vetëm sezoni ynë i tretë së bashku, por presioni është për të fituar. Objektivi ynë kryesor ishte të ruanim një vend në Ligën e Kampionëve”.

🤩 Non stiamo sognando… #Napul3 campione!

💙 #ForzaNapoliSempre #TuttoPerLei pic.twitter.com/IBO1yu83xz

— Official SSC Napoli (@sscnapoli) May 5, 2023

“Disa protestuan kundër skuadrës verën e kaluar dhe kjo nuk më pëlqeu. Kur thashë se duhej të sfidonim për Scudetton, njerëzit u ankuan dhe mendonin se kisha ‘rrëshqitur’ ose e kalova kufirin. Por, ajo që thashë ishte për të nxjerrë maksimumin nga këta lojtarë dhe për të ndërtuar një mentalitet për të vazhduar”.

“Ky sezon është si pjesa e dytë, sezoni i kaluar ishte gjithashtu i mrekullueshëm dhe ne kurrë nuk e patëm në dyshim objektivin tonë. Benitez, Ancelotti, Sarri me futbollin më të mirë në Itali, Gattuso që fitoi Kupën e Italisë kanë shkuar, kështu që për çfarë po vij këtu? Nuk është ashtu siç mund të them se duam të shmangim rënien. Ne duhet të fitojmë”.

Italiani, i cili është bërë trajneri më i vjetër që ka fituar Scudetton, u përpoq t’i rezistonte lotët në fund të intervistës kur u pyet se kujt ia dedikoi titullin.

“Duhet t’ia kushtoj këtë lojtarëve, të cilët e merituan këtë gëzim. E dyta është për të gjithë tifozët – Napoli, kjo është për ju! Dhe së fundi për të gjithë ata që punojnë brenda Napolit, për stafin tim, Giuntolit, klubit që bën punën e tij. Dhe Matilde, vajza ime. Natyrisht, e gjithë familja ime që më shtyu përpara. Miqtë e mi dhe vëllai im Marcello…”, përfundoi trajneri italian.