Kosova 1-2 Gjeorgjia, të gjitha detajet e ndeshjes

Kosova ka pësuar humbje nga Gjeorgjia (2-1) në stadiumin “Fadil Vokrri”, në një ndeshje që e dominoi, por u ndëshkua nga dy gabime.

90′ Super-rast nga Kosova, por Astrit Selmani gjuan mbi portë.

87′ Vizitorët rrezikojnë të shënojnë edhe golin e tretë.

83’ Një tjetër dalje e rrallë e mysafirëve përpara dhe reagimi jo i duhur i nikoqirëve u ndëshkua nga Zuriko Davitashvili.

78′ Tjetër kundërsulm i rrezikshëm i Kosovës që ndalet pa arritur në zonë.

75′ Me prekjen e parë të topit, Bytyqi rrezikon portën kundërshtare.

74′ Largohet Milot Rashica, inkuadrohet Zymer Bytyqi.

74′ Largohet Besar Halimi, inkuadrohet Florian Loshaj.

71′ Goditje e Celinës nga largësia, e cila përfundon jashtë.

68′ Rast tjetër që përfundon pa ndonjë konkretizim adekuat. Në anën tjetër të zhurmshëm janë Dardanët në tribuna që e duan golin e fitores.

65′ Aksione të vazhdueshme të Dardanëve që e duan fitoren me çdo kusht.

63′ Kundërsulm fantastik nga Rashica, mirëpo topi nuk shkoi te Kastrati dhe iu kthye Milotit, goditja e të cilit u bllokua.

59’ Elbasan Rashani lëshon vendin për sulmuesin anësor, Lirim Kastrati.

57′ Harkime në zonën kundërshtare të pashfrytëzuara dhe një aksion i zgjatur nga ekipi jonë që dominon në fushë.

56′ Dalje e rrallë përpara e lojtarëve mysafirë që ndalet shpejt nga nikoqirët që nisen në kundërsulm, por finalizimi nuk ishte i duhuri.

53′ Top i mirë për Rashicën, por goditja me të parën devijohet në këndore.

51’ Vazhdon iniciativa e vendasve në përpjekje për ta përmbysur rezultatin.

48′ Rashani humb hapin në një aksion që dukej premtues.

46’ Ka nisur pjesa e dytë e takimit ndërmjet Kosovës dhe Gjeorgjisë në “Fadil Vokrri”.

Dardanët u gjetën në disavantazh në fraksionin e parë me golin e Tornike Okriashvili (11’) pas një gabimi të Aro Muriq, mirëpo angazhimi i madh u shpagua në fund dhe Vedat Muriqi e barazoi rezultatin nga penalltia (45’).