Litvinenko u vra sepse kishte dëshmitë se Putini është pedofil?!

Kritiku i Kremlinit, Alexander Litvinenko, u vra në Londër në vitin 2006. Hetimi ende nuk ka zbuluar se kush qëndron prapa vrasjes, por autoritetet britanike kanë pohuar se dëshmitë çojnë tek rusët Andrey Lugovoy dhe Dmitry Kovtun. Vet Litvinenko në shtratin e vdekjes e akuzoi si urdhërues Vladimir Putinin.

Shumë media britanike përcjellin informacion e Daily Beast që Litvinenko u vra për shkak se vërtetoi se Putini është pedofil! Daily Beast për informacion thirret tek "burimet britanike të afërta me hetimin". Ata pretendojnë se Putini ka përdorur pozitën e tij për të shkatërruar videot e përfshirjes së tij në skandalin e pedofilisë. Në fakt, thuhet se ato video e shfaqin Putinin në marrëdhënie seksuale me djem të mitur, transmeton Telegrafi.

Litvinenko, ish-kolonel 43-vjeçar i shërbimit sekret rus FSB dhe një kritik kryesor i Putinit, vdiq në nëntor të vitit 2006 në University Hospital College të Londrës.

Ai u largua nga Rusia në Britani të Madhe në vitin 2000, duke kërkuar azil politik dhe duke u bërë mbrojtës i Boris Berezovsky – dikur oligark i Putinit i cili u detyrua të lë Rusinë.

Në Britani ai ka shkruar një seri të librave me akuza të rënda kundër ish-kolegëve të tij, dhe Putinit, i cili para se të vinte në Presidencë për një kohë ishte kreu i FSB-së.

Litvinenko ndër të tjera e akuzoi Putinin për manipulim me bombardimin e përgjakshëm të një pallati në Moskë në vitin 1999, që ishte shkas i pushtimit të dytë rus të Çeçenisë. Putinit ia atribuoi tendencën për seks me djem, gjë që në mediat britanike ceket si arsye për vrasjen e tij.

Intervista e tij e fundit është dhënë disa orë para vdekjes së tij, ku ndër të tjera kishte thënë: "Bastardët më ndreqën mua, por nuk do të munden secilin”. /Telegrafi/