Ish-kryetari i Kaçanikut nga radhët e PDK-së, Xhabir Zharku, nuk ka dashur të komentojë për vendimin e Departamentit amerikan të Shtetit, që e futi në listën e zezë të tyre, shkaku i aferave korruptive. Njohës të çështjeve politike vlerësojnë se kjo listë mund të zgjerohet.
Gjatë pati problem me ligjin ish-kryetari i Kaçanikut, Xhabir Zharku e ato duket se i janë shtuar.
Shkaku i aferave korruptive, ish-zyrtari i PDK-së, është futur në listën e zezë të Departamentit amerikan të Shtetit.
Por, një ditë pas këtij vendimi, Zharku nuk ka dashur të flas për këtë për Dukagjinin, madje duke ofenduar me arsyetimin ‘se kur ishte shpall i pafajshëm nuk u kontaktua nga askush’.
Megjithëkëtë, Zharku, i kishte shpëtuar drejtësisë në Kosovë dhe akuzave për korrupsion, vetëm pasi lënda ndaj tij ishte parashkruar sepse ishte arratisur nga vendi, duke ikur në Suedi pasi ishte dënuar për detyrim dhe armëmbajtje pa leje.
Gjithashtu, një lëndë tjetër për korrupsion i ishte refuzuar nga Gjykata e Ferizajt, shkaku i parashkrimit.
Prokuroria kishte dyshim të bazuar se sa ishte kryetar i Kaçanikut në 2008-ën, në mënyrë të paligjshme kishte lejuar ndërtimin e një objekti për banim kolektiv në pronë të komunës duke shkelur ligjin.
Sipas profesorit të marrëdhënieve ndërkombëtare, Dritëro Arifi, vendimi i Departamentit amerikan të Shtetit, vërteton se me gjithë parashkrimin e këtyre lëndëve, drejtësisë amerikane është vështirë t’i ikësh.
“Kjo vlen edhe për ata që janë aktualë edhe potencialë të mundshëm. Gjithmonë duhet me ditë që është dikush që ju përcjell, dhe njëfarë mënyre radari i tyre është më i fuqishëm se drejtësia vendore për momentin. Mirëpo urdhëresa presidenciale që ka të bëjë me listën e zezë nuk kufizohet më vetëm në krim dhe korrupsion, por edhe në elemente që e dëmtojnë politikën e jashtme dhe të sigurisë amerikane, që i bie të gjithë liderët e Ballkanit Perëndimor që nuk i zbatojnë marrëveshjet ndërkombëtare apo nuk i shërbejnë paqes edhe ata mund të futen në listën e zezë”, tha Arifi.
Po nga Ballkani Perëndimor, pos Zharkut, në këtë listë të sanksioneve kanë përfunduar edhe një politikan nga Maqedonia e Veriut dhe gjithashtu ish-kryeprokurorja Speciale e këtij shteti, Katica Janeva.
Ndërkohë, i fundit shtetas kosovar që u fut në këtë listë të zezë, është Nexhat Krasniqi – ish-drejtor i Departamentit të Prokurimit në Ministrinë e Tregtisë. /Dukagjini/
Lufta Prigozhin - Putin
Më shumëNgacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Inspektorati i Prishtinës në aksion, shqipton gjoba e konfiskon targa
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë