Linja ajrore Prishtinë – Beograd, Rama e quan hap të rëndësishëm

Të mërkurën, në Bruksel, Sekretari i Përgjithshëm i NATO-s, Jens Stoltenberg, ka përshëndetur vendosjen e linjës ajrore Prishtinë- Beograd.

Po ashtu edhe kryeministri i Shqipërisë Edi Rama,i cili ishte pjesë e konferencës duke fol linjën ajrore, e ka quajtur hap të rëndësishëm për të cilin ka thënë se duhet të ndiqet edhe nga të tjerët.

Më tej, Rama ka thënë se NATO është pjesë rëndësishme e rajonit.

“Falënderoj Stoltenberg që keni qenë kaq shumë mbështetës për ne dhe në Rajon. Mbështetët për rivendosjen e linjës Prishtinë- Beograd që është një hap i rëndësishëm dhe duhet të ndiqet nga të tjerët. Duhet të ndiqet për procesin e zhvillimit rajonal dhe ndërshtetëror. E konsiderojmë NATO-n si një pjesë të rëndësishme në OSBE dhe faktor për ta bërë të suksesshëm në jetët tona,” ka deklaruar Rama, njofton Telegrafi.

Kryeministri shqiptar, ka folur edhe për strehimin e muxhahedinëve.

Lexo po ashtu Haradinaj flet për linjën ajrore dhe hekurudhore me Serbinë: Janë në interesin tonë, kemi ecur përpara me këto marrëveshje

Rama tha se Shqipëria do vazhdojë ta bëjë një gjë të tillë, pasi humanizmi është pjesë e traditës së këtij vendi, ndërsa solli në vëmendje edhe ndihmën që iu është dhënë hebrenjve pas Luftës së Dytë Botërore.

“Shqipëria ka pranuar t’i japë strehë disa mijëra njerëzve, jeta e të cilëve është kërcënuar nga regjimi i Teheranit. Është pjesë e asaj çka ne jemi, e traditës sonë. Ne kemi qenë vendi i vetëm që pas Luftës së Dytë Botërore kishte më shumë hebrenj dhe vendi ynë ishte një shtëpi e sigurt për ta. E kemi bërë edhe këtë gjë si një operacion humanitar.

Ne nuk do ta ndryshojmë traditën dhe qasjen tonë kundrejt këtyre njerëzve. Sa për aktivitetet keqbërëse në Shqipëri, kemi dëbuar diplomatët dhe njerëz të tjerë, që janë jashtë aktivitetit të rregullt të pjesës diplomatike”, tha Rama.