Limani e Shabani të bindur që do t’i bëjnë ballë Malmos

Kapiteni i Dritës, Ardian Limani dhe lojtari më i mirë i klubit gjilanas, Xhevdet Shabani janë të bindur që me përkrahjen e tifozëve do ta japin më të mirën.

Limani thotë se është ndeshje historike për ta dhe do të jetë motiv shtesë.

“Është një fat i mirë për ne, të gjithë do ta lënë anash lojën e Botërorit për të ardhur në stadium. Prezenca e tifozëve tanë do të jetë motiv shtesë për ne, shpresoj të jenë në numër sa më të madh”.

Lexo po ashtu Isufi: Jemi përgatitur mirë për Malmon, krenarë që e përfaqësojmë futbollin e Kosovës

“Shpresojmë t’i shpërblejmë ata dhe ata të na japin përkrahje gjatë lojës. Kjo do të ishte shumë më e lehtë për ne”, ka thënë Limani.

Në anën tjetër Xhevdet Shabani ka thënë se gjasat janë 50/50 në këtë ndeshje.

“Është një ndeshje historike, të cilën e kemi pritur një kohë të gjatë. Do ta japim maksimumin për të dalë sa më mirë nga kjo ndeshje. Besoj se do ta nxjerrim një rezultat pozitiv”.

Lexo po ashtu Drita shpreson në rezultat pozitiv ndaj Malmos

“Gjasat do të jenë 50 me 50. Na pret një lojë mjaft e vështirë, do ta japim 100-përqindëshin dhe shpresoj se do t’ia dalim mbanë”, ka deklaruar në anën tjetër Shabani.

Drita e pret Malmon në stadiumin “Adem Jashari” në Mitrovicë, të martën duke filluar nga ora 20:45. /Telegrafi/