“Liga Premier, një mashtrim i madh”

Në Angli nuk kanë fund debatet për eliminimin e turpshëm të Anglisë nga Euro 2016, duke fituar vetëm një ndeshje e duke u mundur nga Islanda e vogël që në turin e dytë.

Mes zërave kritikë ndaj kombëtares, ndaj lojtarëve apo trajnerit, bie në sy deklarata e ish-mesfushorit legjendar të Liverpoolit, Dietmar Hamann.

Gjermani, që fitoi Ligën e Kampionëve pas finales së çmendur të Stambollit kundër Milanit, tani punon si opinionit në televizionin irlandez RTE dhe në “shënjestër” nuk ka thjesht kombëtaren, por gjithë Ligën Premier .

“Njerëzit në Angli e besojnë tymnajën e krijuar rreth Ligës Premier, sikur është kampionati më i fortë në botë”.

“Federata angleze ka 15 vjet që u shet njerëzve një Skoda, sikur të jetë Lamborgini”.

“Liga Premier është një kampionat mesatar, shumë inferior ndaj Bundesligës dhe La Ligas. Thjesht se shihet në gjithë botën, nuk e bën produktin më të mirë”.

Për Hamannin, problem është shuma e madhe e parave që qarkullon në Ligën Premier: “Janë para sheikësh, rusësh, etj, sepse anglezët nuk po hedhin paratë e tyre. Disa lojtarë duhet të ndezin një qiri çdo natë, sepse fitojnë dhjetëra herë më shumë se gjithë lojtarët e tjerë në Evropë. Nuk kanë faj lojtarët që paguhen shumë, por Liga Premier është një mashtrim, ku paguhen paga yjesh për lojtarë mesatarë ose pak mbi mesataren”.

“Nëse merr në analizë kombëtaren angleze, a shihni ndonjërin të aftë të luajë te Reali, Barcelona apo Bayerni në 5 vitet e ardhshme? Ndoshta vetëm Stons e Barkley, ndërsa të tjerët janë lojtarë që nuk i kërkon asnjë klub i madh jashtë Anglisë”, ka thënë Hamann.