Lidhje e veçantë: Të jesh teze është gjëja më e bukur në botë

Të gjitha tezet kanë një vend të veçantë në zemrën e tyre që ato me besnikëri e ruajnë për nipin ose mbesën e tyre. Është një kategori e veçantë e lidhjes dhe është e vështirë ta përshkruash atë në të vërtetë me fjalë

Kur ata bëhen mjaft të vetëdijshëm për faktin se kanë një teze, dhe atë që ajo përfaqëson, dhe ata çapkënë të vegjël i japin asaj një lloj dashurie të veçantë, transmeton Telegrafi.

Ato bëhen shoku i tyre më i mirë dhe aleati i tyre besnik. Ato gjithmonë i mbrojnë, mbajnë me vete artileri të mjaftueshme ëmbëlsirash dhe kurrë nuk i tregojnë mamasë apo babait nëse lëngu derdhet në sediljen e pasme të makinës, sidoqoftë rastësisht. Ato marrin fajin nëse është e nevojshme.

Tezet nuk janë aty për të treguar se sa bukur është të mos jesh nënë apo baba, por ato janë aty për të plotësuar jetën e asaj krijese të vogël, të quajtur fëmijë. Të jesh teze është gjëja më e mrekullueshme në botë dhe ja pse:

Po po, ne e dimë që të rriturit presin të sillen mu si edhe të rriturit. Por jo edhe kur është fjala për tezet. Shikimi i filmave të vizatuar, bërja e bishtalecave, lyerja me llak e thonjve, tregimi i përrallave, lojërat, rrotullimi në dysheme dhe kërcimi në shtrat, të gjitha këto janë tipike për një teze. Vetëm tezja e merr atë rol të madh për t’u sjellë përsëri si fëmijë, pa e fajësuar askush.

Tezja është një model!

Tezja është mahnitëse, argëtuese dhe është gjithmonë në krah të fëmijës. Nuk është çudi që një fëmijë kur të rritet dëshiron të jetë mu ashtu si tezja e tij. E vetëdijshme për këtë apo jo, tezja është modeli i tyre dhe me sjelljen e saj ajo formon realitetin e këtyre njerëzve kureshtarë.

Tezja është një person i besueshëm

Gjithçka që ata nuk do të jenë në gjendje t’u tregojnë prindërve të tyre, ata me shumë gjasa do t’ia tregojnë tezes së tyre. Tezet konsiderohen si një person i rritur më pak i rrezikshëm dhe kjo është arsyeja pse fëmijët kanë te ato besim të pakufishëm.

Tezja gjithmonë ka leje të llastojë një fëmijë

Roli i prindërve është të rrisin fëmijën, ndërsa tezja t’i llastojë ata… Një çokollatë e vogël ose dy më shumë sesa kanë premtuar prindërit, duke i kërkuar që të shkojnë më vonë në shtrat të premten në mbrëmje kur flenë me tezen, kokoshka për darkë, dhurata të vogla pa ndonjë arsye të veçantë, gjithçka është e veçantë për tezet.

Ajo mund të mos i blejë vetes një parfum të ri për ditëlindjen e vet, sepse i duket shumë i shtrenjtë, por me siguri do t’i japë princeshës së saj të vogël një kështjellë dhe një princ mbi një kalë të bardhë nëse ajo kërkon, thjesht edhe nëse i kushton sa një pagë mujore.

/Telegrafi/