Sulmuesi Bertrand Traore prodhoi ndoshta prekjen e parë më të mirë të topit që do të shihni gjatë gjithë sezonit kundër Manchester Cityt këtë mbrëmje.
Manchester City arriti të mposht Aston Villën me rezultat 2-0 në ndeshjen e mbetur nga java e parë e Ligës Premier.
Golat në këtë fitore të ekipit të Pep Guardiolas u shënuan nga Bernardo Silva (79’) dhe Ilkay Gundogan (90+).
Megjithatë, vëmendjen e ka ‘vjedhur’ të gjithë një lëvizje e bërë nga sulmuesi i Aston Villës, Bertrand Traore.
Reprezentuesi i Burkina Fasos ka qenë në formë të shkëlqyeshme dhe ai solli një moment vërtet marramendës në pjesën e dytë në Etihad Stadium.
https://twitter.com/Sz_UnitedCR/status/1351971450849275907
https://twitter.com/ExplainngFT/status/1351974403702190087
Emiliano Martinez pasoi një top të gjatë pa shumë mendim, por Traore e ktheu në lojë atë top në një mënyrë mahnitëse, duke e rrëzuar Kevin De Bruynen me një lëvizje magjike.
Lëvizja e sulmuesit të Villës po vlerësohet shumë në rrjetet sociale, ndërsa për De Bruyne po thuhet se “është kthyer te Genk” pas këtij driblimi. /Telegrafi/
https://twitter.com/TheStandsOfVP/status/1351971185815408642
https://twitter.com/Landilani_M/status/1351971007716798467
