LAJMI I FUNDIT:

Lëvizja Besa: Zyrtarë të lartë të BDI-së dhe LSDM-së vazhdojnë të ngulfatin sistemin gjyqësor

Lëvizja Besa: Zyrtarë të lartë të BDI-së dhe LSDM-së vazhdojnë të ngulfatin sistemin gjyqësor

Lëvizja Besa ka akuzuar partitë në pushtet LSDM-në dhe BDI-në për kapje të gjyqësorit. Nga Lëvizja Besa sot në konferencë për shtyp thanë se lista e gjyqtarëve dhe prokurorëve të ardhshëm e publikuar nga Akademia për gjyqtar dhe prokuror publik dëshmon qartë për vizionin dhe misionin politik të BDI-së.

“Gjatë gjithë kohës flasin për reforma në drejtësi, veting dhe gjyqësor të pavarur të cilat assesi të ndodhin, ndërkaq brenga e tyre e vetme është rehatimi i familjarëve të tyre në pozita të rëndësishme në organet e drejtësisë. Asgjë nuk është e rastësishme, ashtu siç nuk është i rastësishëm edhe fakti se në anketat e institucioneve relevante ndërkombëtare besimi i qytetarëve tek pushteti gjyqësor është vetëm 3 %, se në bazë të raporteve të Komisionit Europian Maqedonia e Veriut ka dështuar rëndë me reformën në drejtësi, e gjithë kjo sepse zyrtarë të lartë të BDI-së dhe LSDM-së, në vend që t’i qasen me seriozitet reformave në drejtësi, ata vazhdojnë të ngulfatin sistemin gjyqësor, duke rehatuar të afërmit e tyre në organet e drejtësisë”.

“Faktet dhe dëshmitë ekzistojnë, ‘ndërkaq përpara fakteve edhe perëndia hesht’. Djali i kryeparlamentarit Talat Xhaferi, Barlet Xhaferi, i cili në mënyrë të dyshimtë dhe akoma të pashpjegueshme nga institucionet kompetente kaloi provimin e jurisprudencës para se të diplomoj, provim i cili është parakusht për ndjekjen e akademisë për gjyqtar dhe prokuror publik sot është në prag të zgjedhjes së tij si prokuror publik. Mirëpo, jo vetëm kaq prokurori publik për ndjekjen e krimit të organizuar dhe korrupsionit Islam Abazi, njeri i afërt me partinë në pushtet, zgjedhja e të cilit ishte kritikuar edhe nga faktori ndërkombëtar, nuk u mjaftua me pozicionimin e tij në pozitat më të larta në kuadër të pushtetit gjyqësor, tash e rehaton edhe gruan e tij në organet e drejtësisë”, thanë nga Lëvizja Besa.

Gjithashtu theksuan se “opinioni tashmë e ka të qartë se cili është qëllimi dhe vizioni politik i BDI-së, dhe se integrimin Europian e përdorin për të fshehur paaftësinë e tyre për të drejtuar shtetin”.

“Lëvizja BESA, konsideron se për të patur referoma në drejtësi, veting dhe gjyqësor të pavarur duhet një qeveri e re, e pa korruptuar, me njerëz të aftë dhe me integritet moral dhe profesional, njerëz që nuk janë të kapur dhe me vizion për të drejtuar shtetin. Sa më parë të shkohet në zgjedhje aq më mirë do të jetë për shtetin dhe qytetarët”, thanë nga Lëvizja Besa./Telegrafi/

Në trend Lajme

Më shumë
Lajçak me post të ri nga shtatori

Lajçak me post të ri nga shtatori

Lajme
Bajrami i reagon Muratit pasi tha se ka rritje të qarkullimit të biznesve, e fton për përballje

Bajrami i reagon Muratit pasi tha se ka rritje të qarkullimit të biznesve, e fton për përballje

Lajme
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Kurti: Më herët mirëmbajtja e rrugëve ka kushtuar 57 milionë për tri vjet, ne e kemi zbritur në 38 milionë

Kurti: Më herët mirëmbajtja e rrugëve ka kushtuar 57 milionë për tri vjet, ne e kemi zbritur në 38 milionë

Lajme
Aksident tragjik në Kërçovë, humbin jetën tre persona

Aksident tragjik në Kërçovë, humbin jetën tre persona

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori