“Ç’na ka gatitur Viti i Ri? A do mund të rrimë së bashku për pak kohë, duke i shijuar njëri-tjetrit praninë, e të qeshim me gjithkënd e gjithçka (pa përfshirë, kuptohet, gjërat serioze, që në kët’ botë të madhe e të tmerrshme janë gjithsesi shumë pak)?”.
Kështu i shkruante nga Vjena të shoqes Julia Schucht, më 1 janar të vitit 1924, Antonio Gramsci.
Raporti mes Gramscit dhe Julias është i njohur për të gjithë ata që njohin jetën e filozofit dhe mendimtarit të njohur me origjinë shqiptare.
Ai u njoh me Julian në Moskë më vitin 1922 dhe jeta e çiftit nuk qe e lehtë për shkak të angazhimeve shpesh politike të Gramscit. Ndër letrat më të njohura mes tyre janë dhe ato kur Antonio ishte në burg.
