Lëndimi i Mbappes më serioz sesa mendohej, mungon në derbi ndaj Atletico Madridit dhe disa ndeshje tjera

Kylian Mbappe ka pësuar një lëndim në këmbën e majtë dhe do të mungojë për tre javë, duke munguar në derbin vendimtar të Madridit kundër Atletico Madridit .

Real Madridi do të përballet me rivalët e tyre të qytetit në stadiumin Wanda Metropolitano në një ndeshje kyçe në La Liga këtë fundjave.

Mbappe kishte kërkuar të zëvendësohet gjatë ndeshjes së fundit ndaj Deportivo Alaves për shkak të lodhjes së muskujve dhe do t’i mungoj Los Blancos.

Mbappé medical report. #RealMadrid

— Real Madrid C.F. 🇬🇧🇺🇸 (@realmadriden) September 25, 2024

Tifozët e Real Madridit janë të shqetësuar për mungesën e tij, veçanërisht duke pasur parasysh rëndësinë e tij për ekipin.

Derbi është një ngjarje e rëndësishme në kalendar dhe dëmtimi i Mbappes është një goditje e madhe për skuadrën.

Sipas faqes zyrtare të Real Madridit, Mbappe pësoi një dëmtim në bicepsin femoral të këmbës së majtë dhe do të mungojë për tre javë.

🚨⚪️ Real Madrid confirm that Kylian Mbappé suffers an injury to the femoral biceps of his left leg.

He will be out for the next 3 weeks, set to miss games against Atlético Madrid, Lille and Valladolid. pic.twitter.com/Kb8u7TAPI2

— Fabrizio Romano (@FabrizioRomano) September 25, 2024

Francezi përveç ndeshjes me Atletico Madridin, do të humb edhe takimet me Lille dhe Valladolid.

Klubi do të shpresojë për një rikuperim të shpejtë për Mbappen, i cili është i etur për t’u rikthyer në aksion, por që rikthimi i tij pritet të vijë vetëm pas ndeshjeve ndërkombëtare. /Telegrafi/