Legjenda italiane e futbollit, Salvatore Schillaci vdes në moshën 59-vjeçare

Ylli i Italisë së viteve të 90-ta, Salvatore ‘Toto’ Schillaci ka ndërruar jetë fatkeqësisht në moshën 59-vjeçare pas një beteje të guximshme me kancerin e zorrës së trashë, konfirmojnë raportet e mëngjesit të së mërkurës.

Schillaci ishte diagnostikuar me kancer të zorrës së trashë në vitin 2022, duke zbuluar sëmundjen e tij një vit më vonë në janar të 2023. Ai ishte shtruar në spital më 7 shtator dhe thuhet se ishte në një gjendje të qëndrueshme.

Legjenda italiane ishte më i njohur për komunitetin ndërkombëtar për rolin e tij kryesor në Kupën e Botës 1990, ku ai përfundoi si golashënuesi më i mirë i turneut me një numër prej gjashtë golave.

Duke luajtur së bashku me Roberto Baggion dhe më vonë Gianluca Viallin, Schillaci gjeti rrjetën dy herë në fazën e grupeve kundër Austrisë dhe Çekosllovakisë, përpara se të vazhdonte të shënonte në raundin e 1/8-tës, çerekfinale, gjysmëfinale dhe ‘play-off’ për vendin e tretë kundër Anglisë.

Ci ha lasciati, a soli 59 anni, Totò Schillaci. L’ex calciatore di Messina, Juventus, Inter e Júbilo Iwata, ricordato da tutti per le imprese ai Mondiali di Italia ’90, combatteva da tempo contro un tumore al colon retto.
Ciao Totò ❤️#Schillaci #Tuttosport pic.twitter.com/bqLDS3FBC3

— Tuttosport (@tuttosport) September 18, 2024

Përveç Këpucës së Artë, ai mori edhe Topin e Artë, duke konfirmuar vendin e tij si lojtari më i mirë në Kupën e Botës “Italia 90”.

Schillachi gjithashtu pati një karrierë fantastike në nivel klubesh, duke shënuar 61 gola nga 219 paraqitje në ligë për Messina gjatë një periudhe shtatëvjeçare, përpara se të shkonte te Juventusi dhe më vonë te Interi.

Ai la pas vetes gruan e tij Barbara dhe tre fëmijë Jessica, Mattia dhe Nicole. /Telegrafi/

Former Italian striker Totó Schillaci has passed away aged 59.

Rest in peace, Totó. 🕊️ pic.twitter.com/cxWhm6gGJN

— Fabrizio Romano (@FabrizioRomano) September 18, 2024