Legjenda e Liverpoolit, Aldridge: Klopp ta transferojë Mouran dhe Sonin nga Tottenhami

Jurgen Klopp duhet ta konsiderojë transferimin e dy yjeve të Tottenham Hotspurit, Lucas Moura dhe Heung-min Son, në këtë verë te Liverpooli.

Legjenda e The Reds, John Aldridge, beson se ish-skuadra e tij ka nevojë të përforcohet në sulm edhe pse kanë lojtarë, si Mohamed Salah, Sadio Mane dhe Roberto Firmino.

Sezonin 2018/2019 ishte shumë i suksesshëm  për Liverpoolin, pasi e mposhtën Tottenhamin në finalen e Ligës së Kampionëve, derisa në Ligën Premier përfunduan në vendin e dytë, një pikë pas Manchester Cityt.

Aldridge ka thënë se The Reds duhet t’i transferojnë Mouran dhe Sonin nga Spurs, pasi janë dy lojtarë që kanë teknik të jashtëzakonshme.

“Moura është një sulmues shumë i mençur, duhet ta vendosni pas tre sulmuesve (Salah, Firmino, Mane). Ai e ka aftësinë që të lirohet nga topi dhe pret topin në hapësirën ku mund të shënojë shumë lehtë gola”, ka thënë legjenda e Liverpoolit.

Lexo po ashtu Liverpooli nuk e do rikthimin e Coutinhos

“Cilësitë e Son, po ashtu i nevojiten Liverpoolit, pasi ai tashmë ka treguar se çfarë di të bëjë. Unë them se Kloppi duhet t’i transferojë të dy lojtarët, në mënyrë që të mos mbetet vetëm te treshja aktuale e sulmit”, ka shtuar më tej Aldridge.

Liverpooli ende nuk ka filluar me transferime në këtë verë, pasi trajneri gjerman ka bërë të ditur se ata nuk kanë nevojë për shumë ndërhyrje, mirëpo që do të ndodhin disa lëvizje. /Telegrafi/