LeBron James theu rekordin e pikëve në NBA – për të ka përfunduar debati i më të mirit të të gjitha kohërave

LeBron James nuk njihet për modestinë e tij dhe në një kohë kur ai u bë koshashënuesi më i mirë në historinë e NBA, duke kaluar legjendarin Kareem Abdul-Jabbar, ai siguron se ai është më i madhi i të gjitha kohërave.

Sipas SportsCenter, përmes The Orange County Register, basketbollisti e kurorëzoi veten si më i miri i të gjitha kohërave (G.O.A.T). Ai e bëri deklaratën para ndeshjes të së martës mes Los Angeles Lakers kundër Oklahoma City Thunder, ku ai theu rekordin e Kareem.

LeBron ishte i qartë në deklaratën e tij: “Ndjehem sikur jam basketbollisti më i mirë që ka luajtur ndonjëherë”, në një tepricë dashurie për veten ose, siç thonë shpesh kritikët e tij, arrogancë ekstreme.

LeBron James is now the NBA’s all-time leading scorer pic.twitter.com/cJElmoe7q9

— Jon Machota (@jonmachota) February 8, 2023

Ajo që është fakt se James është rekordmeni për më shumë pikë të shënuara në historinë e sezonit të rregullt të NBA, duke tejkaluar 38,387 pikët e Kareem nga viti 1984. Në fund të periudhës së tretë, LeBron ka 38,388 pikë dhe po vazhdon.

Me James ende duke luajtur, kjo shifër pikësh natyrisht se do të rritet, por kjo nuk do t’i jep fund debatit se kush është më i miri i të gjitha kohërave, një diskutim që paraqet emrat si Kareem Abdul-Jabbar dhe Michael Jordan.

Megjithatë, nuk mund të lihen jashtë as emra si, Magic Johnson, Larry Bird, Wilt Chamberlain, Kobe Bryant dhe Bill Russell. /Telegrafi/

View this post on Instagram

A post shared by Telegrafi Sport (@telegrafisport)