Landi i WSF përmallohet për mikun e ngushtë: Nuk i dua trofetë, më ktheni Dr.Florin

Kanë kaluar vite prej se kantautori i njohur, Dr.Flori, u nda nga jeta.

Përveç familjarëve e fansave, të mërzitur dhe gati të papranueshëm e panë largimin e tij nga kjo botë edhe një numër i madh i kolegëve.

Roland Hysi, i njohur si Landi i grupit “West Side Family”, ka kujtuar së fundmi kolegun e tij të ndjerë përmes një fotografie të rrallë, të publikuar në rrjetin social Instagram.

https://www.instagram.com/p/B2ymn2tFQAg/

Bëhet fjalë për një fotografi të realizuar në një netët finale të Festivalit të Këngës në RTSH, ku pranë tyre ishte edhe këngëtarja e njohur, Flaka Krelani.

Lexo po ashtu Të gjitha lajmet nga Estrada Shqiptare

Ndonëse në atë kohë ata kishin fituar një nga çmimet më të rëndësishme të mbrëmjes, trofetë duket se janë asgjë para miqësisë që artistët mes vete kanë pasur – kështu të paktën lëtë kuptohet përshkrimi që Landi i ka bërë fotografisë.

https://www.instagram.com/p/B21B08KFFTN/

“Në djall trofetë, të gjitha ato! Më ktheni Dr.Florin”, ka shkruar ai në mbishkrimin e kësaj fotografie.

Ndërkohë që të shumta kanë qenë edhe reagimet e fansave, të cilët në hapësirën për komente e kanë bërë të qartë se e ndjejnë në masë të madhe mungesën e Dr.Florit. /Telegrafi/