Kush është Raul Asencio, sensacioni më i ri i Real Madridit që dhuroi asist perfekt për Jude Bellingham

Me David Alaban dhe Aurelien Tchouameni të lënduar, trajneri i Real Madridit Carlo Ancelotti u detyrua të ftonte mbrojtësin e ri Raul Asencio kur Eder Militao gjithashtu pësoi një lëndim në ndeshjen në shtëpi të së shtunës kundër Osasunas. Dhe produkti i akademisë ishte jashtëzakonisht mbresëlënës në fitoren e madhe të Los Blancos në Estadio Santiago Bernabeu, madje duke ofruar një asistim për Jude Bellingham.

Asencio luan me këmbën e djathtë, 184 centimetra i gjatë, 21 vjeç dhe i rregullt në qendër të mbrojtjes së Real Madrid Castilla që nga fillimi i sezonit të kaluar.

Ai luajti për ekipin e qytetit të tij (Las Palmas) deri në moshën 14 vjeçare, kur iu bashkua akademisë La Fabrica të Real Madridit. Në Valdebebas, ai përshkruhet si një nga mbrojtësit “më premtues” në të gjithë akademinë e të rinjve.

Kur Ancelotti ka pasur më parë nevojë për mbrojtës për shkak të lëndimeve dhe pezullimeve, ai shpesh ka thirrur të tjerët si mbulesë së pari. Kjo përfshin Marvel, tani i huazuar në Cordoba në divizionin e dytë spanjoll, ish-kapitenin e Castilla, Alvaro Carrillo, i cili iu bashkua klubit të nivelit të dytë Eibar në verë, dhe shokun e skuadrës rezervë Edgar Pujol.

Asencio është një nga katër lojtarët e akademisë ende nën hetime për publikimin e pretenduar të një video porno në shtator 2023, në të cilën u shfaq një i mitur. Rasti – për momentin – mbetet në fazën e hetimeve. Burime të ndryshme pohojnë se ai nuk ka qenë në vendin ku kanë ndodhur ngjarjet (Mogan, Las Palmas) dhe se nuk ka marrë pjesë në aktin seksual. Megjithatë, po hetohet nëse ai ka bashkëpunuar në shpërndarjen e videos.

Lexo po ashtu Cilësohet si skandal i ri i gjyqtarëve në Spanjë: A ishte Vinicius në pozicion jashtë loje kur shënoi gol?

Asencio u zgjodh për të hyrë në lojë në minutën e 30-të kundër Osasuna pasi Militao u rrëzua me një lëndim të rëndë në gju. Mbrojtësi i ri nuk humbi kohë për të lënë përshtypje, duke luajtur një pasim të saktë pas mbrojtjes kundërshtare për Bellingham për të shënuar golin e dytë të Madridit.

Mbriojtësi u dallua si për aftësitë e tij mbrojtëse ashtu edhe për gjakftohtësinë e tij në top, duke ndihmuar Los Blancos të kthehen në rrugët e fitoreve pas humbjeve të njëpasnjëshme ndaj Barcelonës dhe Milanit. /Telegrafi/