Tre fitues të ndryshëm ishin në tri edicionet e fundit të garës për Kupën e Kosovës në hendboll në konkurrencë të meshkujve.
Besa Famgas e kishte fituar Kupën në vitet 2020, 2021 e 2022, ndërsa këtë seri e kishte ndërprerë Trepça e Mitrovicës, në edicionin 2022/2023. Trepça kishte fituar finalen shumë dramatike ndaj Besës, të luajtur në Prishtinë.
Vjet Kupën e Kosovës e fitoi Kastrioti i Ferizajt.
Se kush do ta fitojë Kupën për edicionin 2024/2025, do të mësohet në fundjavë në Ferizaj. Të shtunën në palestrën “Bill Clinton” janë gjysmëfinalet, ndërsa të dielën finalja.
Në gjysmëfinale, Kastrioti përballet me Rahovecin, ndërsa Besa Famgas me Vushtrrinë.
Besa Famgas është skuadra më e suksesshme në garën për Kupë të Kosovës. Trofeun e çmuar e fitoi plot 14 herë. Kastrioti i Ferizajt e ka fituar Kupën shtatë herë.
Rahoveci e Vushtrria nuk kanë fituar ende Kupën e Kosovës.
2023/24 Kastrioti, Ferizaj
2022/23 Trepça, Mitrovicë
2021/22 Besa Famgas, Pejë
2020/21 Besa Famgas, Pejë
2019/20 Besa Famgas, Pejë
2018/19 Kastrioti, Ferizaj
2017/18 Besa Famgas, Pejë
2016/17 Besa Famiglia, Pejë
2015/16 Besa Famiglia, Pejë
2014/15 Besa Famiglia, Pejë
2013/14 Besa Famiglia, Pejë
2012/13 Prishtina
2011/12 Besa Famiglia, Pejë
2010/11 Besa Famiglia, Pejë
2009/10 Besa Famiglia, Pejë
2008/09 Kastrioti, Ferizaj
2007/08 Prishtina
2006/07 Kastrioti, Ferizaj
2005/06 Kastrioti, Ferizaj
2004/05 Besa, Pejë
2003/04 Kastrioti, Ferizaj
2002/03 Besa,Pejë
2001/02 Trepça, Mitrovicë
2000/01 Prishtina
1999/00 Prizreni
1998/99 (Gara për Kupë nuk u zhvillua për shkak të luftës në Kosovë)
1997/98 (Gara për Kupë nuk u zhvillua për shkak të luftës në Kosovë)
1996/97 Vëllaznimi, Gjakovë
1995/96 Besa, Pejë
1994/95 Llapi, Podujevë
1993/94 Trepça, Mitrovicë
1992/93 Prishtina
1991/92 Kastrioti, Ferizaj
/Telegrafi/
