Kurti: Tri nga katër propozimet tona u refuzuan, takimi i radhës do të jetë para 25 korrikut

Kryeministri i Kosovës, Albin Kurti deklaroi se tri nga katër propozimet e tyre në takimin e sotëm në Bruksel janë refuzuar nga pala serbe.

Ai ka deklaruar se për njërin nga katër propozimet ata nuk dhanë asnjë përgjigje.

Kurti tha se takimi i radhës pritet të mbahet para 25 korrikut.

Lexo po ashtu Kurti: Theksova se marrëveshja me Serbinë do të duhej të bëhet gjatë mandatit të Biden e Borrell

Propozimet e Kurtit:

Gjashtë shtetet e Ballkanit Perëndimor e avansojnë CEFTA-n në SEFTA (South-East European Free Trade Agreement) sipas modelit të EFTA-EEA, pra marrëveshje çfarë Lihtenshtajni, Norvegjia dhe Islanda kanë me BE-në.

Kosova dhe Serbia menjëherë nënshkruajnë një marrëveshje të përbashkët të paqes duke u zotuar se nuk do ta sulmojnë njëra-tjetrën. Kjo është e rëndësishme tani si asnjëherë më parë, një ditë pas Samitit të NATO-s në Bruksel dhe porosive unanime që u dhanë aty.

Pas njohjes së ndërsjelltë midis Republikës së Kosovës dhe Republikës së Serbisë, në të dy vendet tona do të kemi reciprocitet bilateral, përfshirë çështjen e pakicave këtu. Pra, serbët në Kosovë mund të kenë Këshillin e tyre Nacional siç e kanë shqiptarët dhe boshnjakët në Serbi.

Për çështjen e të pagjeturve, të të zhdukurve me dhunë, duhet larguar nga pozita që ka dhe duhet marrë në pyetje kreun e delegacionit serb, z. Veljko Odaloviq, i cili në vitet 1997-1999, ishte “naçelnik i qarkut të Kosovës”, dhe udhëhiqte me Kosovën e okupuar bashkë me z. Zoran Angjelkoviq.

1. 

   Lexo po ashtu Lajçak: Takimi Kurti-Vuçiq nuk ishte i lehtë, dialogu do të vazhdojë para fundit të korrikut

“Për propozimin tim të parë nuk u përgjigjën, ndërkaq tri propozimet e tjera i refuzuan. Shpresoj që kur të kthehen në Beograd, z. Vuçiq dhe z. Selakoviq, të mendojnë më shumë dhe ta konsiderojnë seriozisht pranimin e këtyre propozimeve”, tha Kurti. /Telegrafi/