“Kur ndodhi shpërthimi, u dridh toka”: Putini kishte një natë ferri pasi dronët goditën fabrikën e naftës të lidhur me Kremlinin

Vladimir Putin kishte një natë ferri në luftën e tij në Ukrainë.

Bëhet fjalë për shpërthime që tronditën prodhuesin më të madh të gazit natyror të lëngshëm në vend, rreth 100 milje në perëndim të Shën Petersburgut, pranë kufirit me Estoninë, përcjell Telegrafi.

Dhe disa pamje të publikuara thuhet se tregojnë fabrikën Novatek të lidhur me Kremlinin në portin e Ust-Luga të përfshirë nga flakët.

“Kur ndodhi shpërthimi, u dridh toka”, ka thënë një dëshmitar.

Guvernatori i Leningradit, Alexander Drozdenko konfirmoi shpërthimin në objekt dhe tha se 150 punëtorë u evakuuan.

Drozdenko nuk komentoi mbi shkakun e shpërthimeve, por është raportuar se pas tij qëndronin dronë ukrainas.

Gazeta Fontanka me bazë në Shën Petersburg tha se të paktën dy drone u panë në qiell duke fluturuar drejt qytetit përpara se terminali të përfshihej nga flakët flakë.

Agjencitë lokale të lajmeve raportuan se dy depozita magazinimi dhe një stacion pompimi ishin dëmtuar, por se zjarri tani ishte vënë nën kontroll. /Telegrafi/