Kur fëmija ka dhimbje koke

Dhimbja e kokës, nuk është një shqetësim vetëm i moshës madhore. Mund të godasë dhe fëmijët në moshën shkollore.

Zakonisht nuk bëhet fjalë për dhimbje të forta, por për një shqetësim të vazhdueshëm; edhe pse fëmija mund të ankohet arrin të vazhdojë pa ndërprerje aktivitetin e tij, transmeton Telegrafi.

Nëse shqetësimi përsëritet vazhdimisht (çdo pesëmbëdhjetë ditë) është mirë që të bëhet një vizitë mjekësore: pediatri do të përpiqet të kuptojë nga së varet dhe të marrë masat e duhura.

Shkaqet

Mund të jenë të ndryshme arsyet që mund të shkaktojnë dhimbjen e kokës. Le të shohim disa prej tyre.

• Një problem shikimi. Kush nuk sheh mirë, dhe përpiqet duke picërruar sytë, lodhet. Nga këtu tek dhimbja e kokës, hapi është shumë i vogël.

• Stresi. Mund të jetë dhe fakti që fëmija ndoshta po jeton një periudhë veçanërisht të tensionuar. Ndoshta në shtëpi atmosfera nuk është shumë e mirë ose impenjimet në shkollë po bëhen gjithnjë e më të vështira. Shpesh fëmijët vuajnë nga dhimbja e kokës para një ngjarje të rëndësishme (një provimi ose ndeshje futbolli).

• Ambienti i ri. Edhe një vend i ri dhe i panjohur mund të shqetësojë dhe t’i shkaktojë dhimbje koke. Shqetësimi mund të shfaqet gjatë ditëve të para të pushimeve kur fëmija ende nuk është mësuar me ambientin, klimën dhe zakonet e reja. Ose kur transferohet diku tjetër.

• Pozicioni i keq i trupit. Pas një dhimbje koke mund të fshihen probleme shumë më të rëndësishme. Në rast se është e nevojshme pediatri do të këshillojë analiza më të hollësishme për t’i përcaktuar shkaqet dhe për t’i parandaluar ato.

Si të silleni

• Para së gjithash, këshillohet t’i bëhet fëmijës një vizitë okulistike, për të përcaktuar problemet e mundshme të shikimit. Është e rëndësishme t’i mësohet se si të qëndrojë në bankë. Shpina duhet të qëndrojë drejt dhe këmbët të mos varen në karrige.

Është mirë që librin të mos e vendosë direkt mbi tavolinë, por mbi një diçka tjetër që të mund të krijohet një kënd i përshtatshëm leximi. Kësisoj qafa nuk është e detyruar të bëjë sforcime të vazhdueshme.

• Pastaj duhet të sigurohemi që fëmija është i qetë dhe dhimbja e kokës të mos jetë shenjë ankthi dhe shqetësimi. Nëse prindërit janë të qetë, edhe fëmija do të jetë i tillë. /Telegrafi/