Real Madridi tashmë ka udhërrëfyesin e tij për të fituar Kupën e tij të pestë të Botës për Klube, pasi ka mësuar shortin e të gjitha ndeshjeve.
Real Madridi do të startojë garën nga gjysmëfinalja e Kupës së Botës për Klube. Shorti i zhvilluar në Akademinë e Futbollit Mohamed VI ka vendosur që Los Blancos të luajë me fituesin e ndeshjes midis Seattle Sounders dhe skuadrës që fiton ndeshjen hapëse mes Al-Ahly (Egjipt) dhe Auckland City (New Zelanda) që zhvillohet më 1 shkurt.
Ajo ndeshje që përfshin Seattle do të luhet më 4 shkurt dhe skuadra e Carlo Ancelotti do të hyjë në garë katër ditë më vonë, kur do të ndeshet më 8 shkurt në Rabat kundër fituesit.
Në anën tjetër, Flamengo pret kundërshtarët e tyre në gjysmëfinale më 7 shkurt. Kampionët e Copa Libertadores do të përballen me fituesin e ndeshjes së Al-Hilal të Arabisë Saudite kundër nikoqirëve dhe kampionëve afrikanë Wydad Casablanca.
Real Madridi ka fituar të katër edicionet e Kupës së Botës për Klube që ka konkurruar (2014, 2016, 2017 dhe 2018), të cilave u shton edhe tre triumfe të tjera në Kupën e vjetër Interkontinentale (1960, 1998 dhe 2002).
Nëse Real Madridi do të triumfojë në finalen e Rabatit, do të jenë 10 vite radhazi me triumfe të skuadrave evropiane. Skuadra e fundit e Amerikës së Jugut që fitoi Kupën e Botës ishte në vitin 2012 ishte Corinthians që mundi Chelsean.
Fituesit e Kupës së Botës për Klube në formatin aktual
2000: Corinthians 2005: Sao Paulo 2006: Interntional 2007: AC Milan 2008: Manchester United 2009: Barcelona 2010: Inter 2011: Barcelona 2012: Corinthians 2013: Bayern Munich 2014: Real Madrid 2015: Barcelona 2016: Real Madrid 2017: Real Madrid 2018: Real Madrid 2019: Liverpool 2020: Bayern Munich 2021: Chelsea /Telegrafi/
