Toni Kroos ka mirëpritur ardhjen e Jude Bellingham në Real Madrid, por theksoi se mesfushori duhet ta tregojë vetën për çmimin e lartë të paguar prej 103 milionë eurove.
Lëvizja e Bellingham nga Borussia Dortmund u konfirmua të mërkurën dhe gjermani ka mbetur i impresionuar nga përparimi i 19-vjeçarit deri më sot.
Megjithatë, fituesi i Kupës së Botës 2014 aludoi gjithashtu për katër vitet fatkeqe të Eden Hazard në Bernabeu.
"Për moshën e tij, ai [Bellingham] është shumë i avancuar - një lojtar i mirë që shumë ekipe e donin".
“Nëse Real Madridi hedh ato para edhe unë kam shumë besim në këtë, është një transferim shumë i mirë. Nuk kam parë shumë ndeshje të Dortmundit këtë sezon, prandaj nuk mund të bëj një vlerësim përfundimtar në parim”.
"Kam parë video të tij duke luajtur në Ligën e Kampionëve. Atje ai ka luajtur shumë, shumë mirë. Dhe nëse bën të njëjtën gjë këtu, është një transferim i mirë. Nëse jo, atëherë jo”.
"Tani kishim edhe dikë që erdhi për shumë para dhe praktikisht e la karrierën e tij të pushonte. Por le të fillojmë nga ana pozitive. Nëse është një marrëveshje e përfunduar tani, atëherë mirë se vini në Madrid", ka thënë Kroos ./Telegrafi/
