LAJMI I FUNDIT:
Prishtina 1° cloudy

Kritika për mësimin tërë-ditor në disa shkolla të Prishtinës, drejtoria e Arsimit nuk deklarohet për procesin

Kritika për mësimin tërë-ditor në disa shkolla të Prishtinës, drejtoria e Arsimit nuk deklarohet për procesin
Fotografi ilustruese

Pesë shkolla në Prishtinë kanë nisur mësimin tërë-ditor gjatë muajit shtator. Megjithatë, ky projekt po konsiderohet si i vështirë për t’u realizuar, për shkak të kushteve të nevojshme që duhet të plotësohen për ta bërë atë të suksesshëm.

Asamblisti i Partisë Demokratike të Kosovës (PDK), Leutrim Retkoceri, në një prononcim për Telegrafin, ka thënë se Komuna e Prishtinës po has vështirësi në krijimin e hapësirave të nevojshme për realizimin e projektit.

“Pilotprojekti i mësimit të plotë ka qenë gjithmonë i mirëpritur dhe i dëshiruar. Grupi i asamblistëve të PDK-së në Kuvend ka kontribuar me votimin për subvencionimin e këtij projekti në shumën 129.624 euro, por me sa duket, realizuesit në Komunën e Prishtinës nuk po arrijnë të krijojnë hapësirat dhe kushtet e nevojshme për të arritur sukseset e dëshiruara,” ka thënë Retkoceri.


Ai ka përmendur disa nga problemet që po përballen shkollat.

“Problem vazhdon të jetë mungesa e shkollave të reja, ndërsa largësia e shkollave nga banimi i nxënësve të klasëve 6-9, shtimi i ndërrimeve dhe zgjatjet e orarit janë ankesat e prindërve dhe nxënësve dhe kjo është pasojë e fillimit të pilot projektit pa përgatitjet e duhura. Uroj qe ky projekt mos të përfundoj i dështuar si eksperiment për konsum të fushatës zgjedhore nacionale”, potencoi ai.

Leutrim Retkoceri, asamblist i PDK-së

Në anën tjetër, kryetari i SBASHK-ut, Rrahman Jasharaj, ka deklaruar se deri tani nuk kanë marrë ankesa nga personeli arsimor për këtë projekt.

Jasharaj për Telegrafin tha se më herët kanë marrë garanci nga Drejtoria e Arsimit në Prishtinë se mësimdhënësit nuk do të angazhohen jashtë normës së punës.

“Nuk kemi bërë mbikëqyrje të veçantë të këtyre shkollave, por nuk kemi ndonjë ankesë nga personeli arsimor. Para fillimit të këtij angazhimi provues, ne patëm takime me nënkryetaren e Prishtinës, Jehona Lushaku, e cila është Drejtoreshë për Arsim, dhe na shpjegoi çështjen. Ne si SBASHK nuk kemi kundërshtuar reformat, por kemi marrë garanci se personeli arsimor nuk do të angazhohet jashtë normës prej 20 orësh. Duket se nuk po e mbajnë fjalën dhe kanë angazhuar staf shtesë,” tha Jasharaj.

 Rrahman Jasharaj, kryetar i SBASHK-ut

Për të realizuar me sukses këtë projekt, Jasharaj tha se “është një aktivitet i madh dhe i vështirë për t’u realizuar, sepse kërkohen kushte shtesë. Duhet të krijohen ambiente shtesë dhe gjithashtu të sigurohet ushqimi për nxënësit.”

Ai shtoi se në fund të vitit duhet të bëhet një vlerësim për të parë nëse projekti ka qenë i suksesshëm, dhe do të organizohen konsultime edhe me prindërit.

“Do të duhet angazhim gjatë gjithë vitit, dhe mund të ketë vështirësi edhe me ushqimin, por gjithashtu duhet të organizohen aktivitete jashtë mësimore për të mos lodhur nxënësit vetëm me mësime,” përfundoi ai.

Për këtë çështje, Telegrafi ka tentuar të marrë një përgjigje edhe nga drejtoresha e Arsimit në Prishtinë, Jehona Lushaku, por ajo nuk është lajmëruar në thirrjet e redaksisë./Telegrafi/

Në trend

Më shumë
Xheneta i heq çmimit të madh 10 mijë euro, dëgjon fjalët që Xuxi tha për familjen e saj: E degjeneruar, e ka lënë nëna kur i ka pasur një vjet

Xheneta i heq çmimit të madh 10 mijë euro, dëgjon fjalët që Xuxi tha për familjen e saj: E degjeneruar, e ka lënë nëna kur i ka pasur një vjet

Magazina
Trump zgjedh shefin e ri të CIA-s

Trump zgjedh shefin e ri të CIA-s

Amerika
Tifozët e Barcelonës i luten Laportas ta transferojë sensacionin e këtij sezoni që ngjan me lojën e Messit

Tifozët e Barcelonës i luten Laportas ta transferojë sensacionin e këtij sezoni që ngjan me lojën e Messit

La Liga
I gatshëm të largohet nga Arabia: Neymarit i ofrohet një mega-projekt në tavolinë nga gjiganti botëror

I gatshëm të largohet nga Arabia: Neymarit i ofrohet një mega-projekt në tavolinë nga gjiganti botëror

Ligat tjera
Shoferi besnik i Princeshës Diana flet për herë të parë pas 27 vitesh: Më pushuan nga puna pa arsye, po të vozisja unë në natën tragjike ajo sot do të ishte gjallë

Shoferi besnik i Princeshës Diana flet për herë të parë pas 27 vitesh: Më pushuan nga puna pa arsye, po të vozisja unë në natën tragjike ajo sot do të ishte gjallë

Magazina
Gjashtë fitore nga gjashtë duele profesionale - Benjamin Imeri është i gatshëm të dhurojë spektakël këtë fundjavë

Gjashtë fitore nga gjashtë duele profesionale - Benjamin Imeri është i gatshëm të dhurojë spektakël këtë fundjavë

Boks
Kalo në kategori