Kristjan Asllani ndihmon Interin në triumfin ndaj Genoas – thellohet diferenca në 15 pikë

Interi ka triumfuar me rezultat të ngushtë 2-1 ndaj Genoas në kuadër të javës së 27-të në Serie A.

Ndeshja nisi ashtu edhe siç pritej, me një dominim nga Nerazzurët – që kërkonin tri pikë të reja.

Golin e parë për Interin, por edhe të parin personal për këtë sezon e realizoi Kristjan Asllani, kur u asistua prej Alexis Sanchez në minutën e 30-të.

Për 2-0 u përkujdes pikërisht kiliani, kur realizoi tetë minuta më vonë se goli i reprezentuesit të Shqipërisë.

Me kaq edhe përfundoi pjesa e parë, derisa në të dytën fitorja e vendasve u vu në rrezik.

➕2️⃣🔥

Powered by @ParamountPlusIT#ForzaInter #InterGenoa pic.twitter.com/Eq1FAtRfTD

— Inter ⭐⭐ (@Inter) March 4, 2024

Johan Vasquez ngushtoi epërsinë e Interit në 2-1, kur shënoi në minutën e 54-të.

Lojtarët e Simone Inzaghit filluan të këndellen dhe të mos e merrnin fitoren si të sigurt.

Në minutën e 66-të, Genoa mendoi se kishte barazuar shifrat në 2-2, por goli i Vitinha u anulua për pozicion jashtë loje.

🧐67'| Retegui allunga di testa per Vitinha , che controlla e di destro piega le mani a Sommer. La palla va in rete ma il Signor Ayroldi annulla per posizione irregolare dell'attaccante genoano. Si resta sul 2-1 per i padroni di casa#InterGenoa 2⃣-1⃣

— Genoa CFC (@GenoaCFC) March 4, 2024

Nicolo Barella lëshoi një mundësi të artë shënimi në minutën e 83-të, kur nuk arriti të mposhte nga afërsia portierin kundërshtar.

Pas javës së 27-të, Interi ka 72 pikë, duke thelluar edhe më shumë diferencën me Juventusin në 15 pikë, ndërsa në xhiron e 28-të takohen me Bolognan. /Telegrafi/