Kremlini pretendon se ka arrestuar 11 të dyshuar për vrasjet masive në Moskë – publikon pamje të armëve që thuhet se sulmuesit i lanë pas tyre

Shërbimi rus i sigurisë (FSB) thotë se ka arrestuar 11 të dyshuar, duke përfshirë katër të cilët thotë se janë “drejtpërdrejt” të përfshirë në sulmin e mbrëmshëm në sallën e koncerte “Crocus City Hall”.

Mediat shtetërore, RIA dhe TASS raportojnë se kreu i FSB-së ia kishte raportuar lajmin drejtpërdrejt presidentit rus, Vladimir Putinit, i cili ende nuk i është drejtuar popullit rus pas sulmit.

Lexo po ashtu Pamje të reja pas vrasjeve masive në Moskë - njëri prej të dyshuarve shihet duke u larguar me armë në dorë, dy të tjerë fotografohen në veturë

“Drejtori i FSB-së i raportoi Putinit për ndalimin e 11 personave, përfshirë katër terroristë që morën pjesë në sulmin terrorist në Crocus City Hall, raporton shërbimi i shtypit i Kremlinit”, njoftoi TASS.

🇷🇺⚡One of the terrorist has been captured. Search is underway for the other three. pic.twitter.com/eOcnckumfx

— Spetsnaℤ 007 🇷🇺 (@Alex_Oloyede2) March 22, 2024

Nuk u dhanë detaje se kush janë të dyshuarit, nga mund të jenë apo si u arrestuan, raporton skynews.

Lexo po ashtu Si i kishte cilësuar Putin paralajmërimet e amerikanëve për sulm të mundshëm të ekstremistëve në Moskë

Kujtojmë se Komiteti Hetues i Rusisë ka thënë se numri i personave të vrarë tanimë është më shumë se 93 ndërsa mbi 100 të tjerë janë plagosur.

Ndryshe, Shteti Islamik ka marrë përgjegjësinë për vrasjet, duke pretenduar se ka sulmuar një tubim të madh të të krishterëve në Krasnogorsk në periferi të Moskës. /Telegrafi/