Ditëve të fundit janë shtuar zërat për mospajtime në koalicionin qeverisës lidhur me dialogun Kosovë-Serbi. Edhe me emërimin e Skender Hysenit në pozitën e koordinatorit për dialogun me Serbinë, partnerët e LDK-së në qeverisje, AAK dhe Nisma Socialdemokrate patën thënë se nuk kanë qenë të informuar.
E lidhur me punën e Qeverisë dhe dialogun Kosovë-Serbi ka folur publicisti, Milazim Krasniqi.
Krasniqi në një prononcim për Telegrafin ka thënë se Qeveria Hoti nuk po arrin të mbaj ekuilibrin, pasi është fokusuar siç tha ai tek procesi i dialogut me Serbinë.
Dhe kjo rrjedhimisht sipas tij, e ka ofruar më shumë me Listën Serbe se me partnerët e koalicionit qeverisës, që siç tha ai ka ngjallur irritim tek kreu i AAK-së, Ramush Haradinaj.
“Qeveria Hoti nuk po mbërrin të mbaj ekuilibrat sepse më shumë është fokusuar, në procesin e dialogut në Bruksel për të cilën mendoj që është gabim. Rrjedhimisht, kjo e ka afruar me Listën Serbe se me partnerët tjerë të koalicionit. Kjo duket paradoksale, por kështu duket. Sigurisht që kjo ka ngjall irritim tek njeriu që është veteran i politikës Ramush Haradinaj, i cili ka intuitë të jashtëzakonshme politike dhe e vëren kur prishet ekuilibri. Prandaj Hoti, Haradinajn do duhej ta merrte vërtet seriozisht në këtë drejtim”, ka thënë ai.
Krasniqi theksoi se Qeveria Hoti është e zorit, pasi erdhi shumë shpejt pas rënies së Qeverisë Kurti.
Ai po ashtu foli edhe për masat të cilat po merren nga Qeveria Hoti për parandalimin e COVID-19, e të cilat vendime po merren në panik dhe të pa studiuara.
“Qeveria Hoti realisht është qeveri e zorit e cila erdhi shpejt e shpejt, pas rënies së Qeverisë Kurti. Edhe masat që po merren, po merren në panik dhe të pa studiuara. Dhe kjo mund të ngjall dhe reagim tek qytetarët, siç ka ndodh në disa vende të tjera të rajonit”, tha ndër të tjera, publicisti Milazim Krasniqi.
Ndryshe, kreu i AAK-së, Ramush Haradinaj, ka thënë se nuk e ka përkrahur emërimin e Hysenit për koordinator pasi nuk kanë qenë të informuar.
Madje ai kishte kritikuar Hotin se në takim me Vuçiqin kishte marr shefin e kabinetit dhe jo ministrin, Selim Selimi nga AAK-ja./Telegrafi/
Nga Pro Transport
Nga IP Petrol
Nga Bau Holding
Nga Central Park
Lufta Prigozhin - Putin
Më shumë
Nga Rubrika
Ferat Shala fton qytetarët të votojnë PDK-në: Më 9 shkurt nisim një kapitull të ri për Kosovën
Mandl: Dialogu është në ngërç, Vuçiq ka shmangur marrëveshjen, ka luajtur shumë lojëra me akterët evropianë
Filipçe: Qeveria vazhdon të sillet si opozitë, nuk merren aspak me kërkesat e qytetarëve
"S'është i besueshëm për SHBA-në", Kurti e komenton deklaratën e Grenellit
Dyshime për keqpërdorim të votave nga diaspora, prokuroria nis hetimet ndaj Martin Berishajt
Specialja apelon vendimin me të cilin u konfirmua pjesërisht aktakuza ndaj Thaçit dhe tjerëve për pengim të drejtësisë
Për dy javë Ambasada e Gjermanisë në Kosovë pranoi mbi 8 mijë kërkesa për viza pune
Kosovarët s'mund të aplikojnë për viza pune në Gjermani - plotësohen terminet për 2025-ën
Nga fotot çift te filxhanët e kafesë, gabimet që bëjnë shqiptarët gjatë regjistrimit për zgjedhjet e 11 Majit
