Koxha apel qytetarëve për zgjedhje: Të kujtojmë të shkuarën e të ndërtojmë të ardhmen

Kandidati për deputet nga Nisma Socialdemokrate, Bekim Koxha ka bërë thirrje që subjektet politike të jenë të bashkuara për interesin e shtetit.

Koxha ka thënë se duhet ruajtur qetësia e duhet të “bashkohemi si dikur kur i bashkuam pushkët kundër armikut”.

Ai ka ftuar qytetarët që të “përdorin mendjen të kujtojmë të shkuarën e të ndërtojmë të ardhmen”.

Postimi i plotë

Një votë është si një pushkë: dobia e saj varet nga karakteri i përdoruesit.

Te dashur qytetarë ju ftoj të përdorim mendjen të kujtojmë të shkuarën e të ndërtojmë të ardhmen!!!

Me 14 Shkurt ta shfrytëzojmë fuqinë e votës që të ndertojmë një të ardhme të ndritur për të rinjtë tanë për gjeneratat qe lindën dje që lindën sot e që do të lindin në të ardhmen.

Të tregojmë se ne jemi qytetarë Europian të guximshëm e me dinjitet, të tregojmë se ne dijmë dhe mundemi të krijojmë shtet te fuqishëm e të drejtë te pastër e demokratik.

Të bëhemi vigjilent e të kujdes’shëm te ruajm qetësinë të tregojmë se ne kemi respekt mes vete mos të hapim gropa për njëri tjetrin të bëhemi bashkë si dikur kur i bashkuam pushkët kundër armikut.

Çdo përçarje mes nesh i shkon në favor armikut shekullor, mos ta gëzojmë armikun por ti tregojmë se edhe pse ne kemi qëndrime ndryshe nga njeri tjetri edhe pse kemi ngjyra tjera politike të gjithë tog e së bashku kemi një qëllim ta bëjmë shtetin tonë një shtet Europian e demokratik.