Kosova dhe Shqipëria marrin pjesë në programin për shkëmbimin e nxënësve

Kosova dhe Shqipëria do të marrin pjesë në programin e përbashkët të shkëmbimit të nxënësve mes dy vendeve.

Ministrja e Arsimit në Shqipëri, Besa Shahini ka bërë të ditur se 60 nxënësit e parë nga Kosova kanë arritur tashmë në Shqipëri, dhe që ata do të vendosen në 60 familje në Tiranë, Korçë, Shkodër dhe Berat.

Shahini, ka theksuar se javën e ardhshme edhe nxënësit nga Shqipëria do të shkojnë në Kosovë, për t’i ndjekur edhe ata mësimet.

“Dje erdhën në Shqipëri 60 nxënësit e parë nga Kosova , të cilët do të marrin pjesë në programin e përbashkët të shkëmbimit të nxënësve mes dy vendeve. Ata do të vendosen në 60 familje në Tiranë, Korçë, Shkodër dhe Berat dhe do të vijojnë mësimin në gjimnazet tona”, ka shkruar Shahini në Facebook, transmeton Telegrafi.

Shkrimi i plotë:

Dje erdhën në Shqipëri 60 nxënësit e parë nga Kosova , të cilët do të marrin pjesë në programin e përbashkët të shkëmbimit të nxënësve mes dy vendeve. Ata do të vendosen në 60 familje në Tiranë, Korçë, Shkodër dhe Berat dhe do të vijojnë mësimin në gjimnazet tona.

Javës tjetër, bashkëmoshatarët e tyre nga Shqipëria do të shkojnë në Kosovë për të bërë të njëjtën gjë. Përveçse do të mësojnë bashkë, nxënësit do të kenë një agjendë të ngjeshur me ekskursione, vizita në muze dhe aktivitete të ndryshme kulturore.

Nuk ka mënyrë më të mirë për t’u njohur me njëri-tjetrin dhe për të ndërtuar miqësi mes të rinjve të Kosovës dhe Shqipërisë që i qëndrojnë distancave dhe kohës. /Telegrafi/